Ez 26:17 - Kaqchiquel Bible

¹⁷ Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Ez 26:17 ပူးပေါင်းရင်းမြစ်များ

2 Sam 1:19

¡Ri ruwaq'ijaj richin ri qatinamit Israel xa kan xek'is k'a kan, xa kan xek'is k'a kan ri chiri' pa ruwi' taq juyu'! Kan xetzaq k'a ri maneq xibinri'il chikiwech.

Wuj Richin ri Isaías 14:12

Rat xk'oje' janila awejqalen chuwech ri ruwach'ulew, achi'el ri ch'umil ri janila nich'ich'an chila' chikaj. Ja rat ri ch'umil ri más yach'ich'an chikiwech konojel. Jak'a re wakami, xa xak'aq-el chuwech re ruwach'ulew, stape' rat ri ojer xe'ak'eq chuqa' el winaqi' chuwech re ruwach'ulew.

Wuj Richin ri Isaías 23:4

Sidón, rat ri at jun tobel ri atk'o chuchi' jun palou. jak'a rat xa xkak'ixbitej, achi'el nik'ixbitej jun ixoq ri man jun bey xek'oje' ral.

Wuj Richin ri Isaías 23:8

Ri k'ayinela' richin Tiro ja ri rey y ri e tata'al. Ri loq'onela' ja ri más k'o kiq'ij chuwech re ruwach'ulew. ¿Achike kami k'a ri xch'obon re jun wululen re' pa ruwi' ri Tiro?

Wuj Richin ri Jeremías 48:39

Roma ri' xkixoq' koma ri aj-Moab. Y chiri' kan janila xibinri'il xtik'oje', y kan xtikiya' k'a kan ri ruche'el-kij roma kik'ix. Ri ruwach'ulew Moab kan xke'ok yakol tze'en y ri ch'aqa' chik winaqi' xtikixibij-ki' koma rije'.

Wuj Richin ri Jeremías 50:23

Ri ojer kan ri Babilonia achi'el jun bajibel kichin konojel ruwach'ulew. Jak'a re wakami, ja rija' ri xwulatej y kan xk'is. Y toq ri winaqi' nikitz'et, kan janila nikixibij-ki' chuwech.

Wuj Richin ri Jeremías 6:26

K'ari' ri Dios xubij chike: Rix ri yixinwajo', tikusaj k'a itziaq richin bis retal richin k'o q'axo'n. Tibolqotila-iwi' pa chaj y kixk'oje' k'a pa bis achi'el toq yixbison chirij jun iwalk'ual ri kan xe'ok rija' y xken-el. Kixoq' k'a roma re jun bis re' kan janila nim, roma kan xtipe yan ri xtik'ison iwichin.

Wuj Richin ri Jeremías 7:29

Rix winaqi' richin ri tinamit Jerusalem tisokaj ri rusumal-iwi' y tik'aqa-el y kixbe'oq'-q'anej pa ruwi' la juyu'. Roma ri Jehová kan xixrixowaj yan y xixrumestaj yan kan, roma kan ja rix ri xixbanon chire richin xyakatej royowal chiwij, kacha' chike.

Wuj Richin ri Jeremías 9:20

Rix ixoqi' tiwak'axaj k'a ri rutzijol ri xuya-pe ri Jehová. Tik'utu' chikiwech ri iwal xtani' richin keri' chuqa' rije' nikibixaj re jun bix re' richin bis y chikiwech chuqa' ri kachibil.

Wuj Richin ri K'uxla'anik 1:1

Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 32:16

Re jun bix re' richin bis y kan kere' k'a rubixaxik ri xtikibixaj ri ixoqi' richin e k'iy ruwach'ulew. Re jun bix re' richin ri ruwach'ulew Egipto y kichin ri e janila chi winaqi' aj chiri', yin Jehová ri yibin.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 32:27

e muqun junan kik'in ri e nima'q taq achi'a' ri k'o kiq'ij ri xek'oje' ojer kan, ri xa xemuq rik'in ri ki-espada chuxe' ri kijolon y ri kitobal xya'ox kan pa kiwi'. Y ri ojer kan xkiya' k'a jun nimalej xibinri'il chike ri winaqi'.

Joel 1:18

Janila ye'oq' ri q'ataj taq bóyix; nikikanoj ri kiq'os, y xa man nikil ta, roma maneq chik kiq'os. Chuqa' ri tzobaj taq karne'l xa yeken yan qa.

Wuj Richin ri Abdías 1:5

Wi ta ri eleq'oma' yepe chaq'a' richin ye'eleq'an iwik'in, kan xaxe k'a ri nikajo' rije' ri xtikik'uaj. Chuqa' wi ta yepe iwik'in ri yewuxun uva richin nikeleq'aj, xa kan k'a k'o xtikiya' kan. Jak'a ri e etzelanel iwichin, kan xtikik'uaj-el ronojel.

Wuj Richin ri Miqueas 2:4

Chupan ri q'ij ri' kan xtiban k'a jun bix richin tze'en chikij. Y kere' k'a nubij: Kan xojwulex k'a jumul, y ronojel ri k'o qik'in xa xch'ar chikiwech ch'aqa' chik. Wakami ri Dios xrelesaj ri qulew roj, y xuya' kan pa ruq'a' ri etzelanel qichin.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

Wuj Richin ri Josúe 19:29

Ri k'ulba't ri' nuchojmij-ri' y napon rik'in ri tinamit Ramá y chuqa' napon k'a rik'in ri tinamit ri sutin-rij rik'in tz'aq rubini'an Tiro, y niq'ax-el pa tinamit Hosá, y nik'is chiri' chuchi' ri palou. Numej chuqa' ri tinamit ri kibini'an Mahaleb, Aczib,