Ez 26:15 - Kaqchiquel Bible

¹⁵ Yin Jehová ninbij k'a chi toq ri tinamit Tiro xtich'akatej, ri ch'aqa' chik winaqi' ri ek'o chuchi' ri palou, xkebaybot roma xibinri'il. Chuqa' xtikak'axaj toq yejilon ri winaqi' e sokotajineq y toq najin ri kamik.

Ez 26:15 ပူးပေါင်းရင်းမြစ်များ

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 41:5

Konojel winaqi' ri ek'o pa taq'aj ruwach'ulew kan xkitz'et ronojel ri wululen, y roma ri' kan janila kixibin-ki'. Konojel ri ch'aqa' chik winaqi' kan kixibin-ki', roma ri e etzelanel kichin xkimol-ki' y kan yenaqajub yan pe.

Wuj Richin ri Jeremías 49:21

Toq xkixch'akatej rix aj-Edom, ri iruwach'ulew kan xtisilon y janila xtiq'ajan. Y toq rix xtireq-ichi' richin nik'utuj to'onik, xtak'axatej k'a pa Kaqa-Palou.

Ez 26:10

Kan janila k'a k'iy kiej xkeruk'en-pe y kan xtiq'equmatej ri tinamit rik'in ri poqolaj ri xtikiyek ri kiej ri'. Y toq xke'ok-apo chupan ri ruchi' ri tinamit, ri tz'aq kan xkesilon k'a roma ri kich'abel ri e k'iy carruaje y roma kaqen ri e k'iy kiej. Rije' kan xke'ok k'a apo chupan ri tinamit achi'el toq ye'ok chupan jun tinamit ri xa ch'akon chik.

Ez 26:18

Jak'a re wakami kan xkebaybot k'a roma xibinri'il, konojel ri ek'o pa taq'aj ri ek'o chuchi' ri palou. Wakami xa at maneq chik, y ri taq kokoj ruwach'ulew ri ek'o pa palou xa kan yek'ark'ot roma xibinri'il.

Ez 26:21

Keri' xtinben richin chi ri winaqi' xtikik'en rukiy toq xtikitz'et ronojel re', xkak'is k'a jumul y stape' xkakanox man xkatilitej ta chik. Yin Jehová ri yibin.

Ez 27:28

Y toq ri e samajela' richin ri barco nikireq kichi' roma yeken yan, konojel ri winaqi' ri ek'o chuchi' ri ya', kan xtipe k'a xibinri'il y bis kik'in.

Ez 27:35

Konojel k'a ri winaqi' richin ri ch'aqa' chik ruwach'ulew ri ek'o chuchi' ri ya', kan xtikimey y xtikixibij-ki', y ri ki-rey kan xkebaybot roma xibinri'il, y xtijalatej k'a kiwech roma xibinri'il.

Ez 31:16

Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Ez 32:10

Awoma k'a rat xtipe xibinri'il pa kiwi' ch'aqa' chik tinamit y ri e q'atoy taq tzij kan janila xtikik'en rukiy toq xkatzaq. Rije' xkebaybot roma xibinri'il, roma xtintzinuj ri nu-espada chawij.