Ez 26:14 - Kaqchiquel Bible

¹⁴ Kan xtinben k'a chi ri itinamit xtok achi'el jun abej liq'-liq'. Chuqa' xtinben chire chi xaxe xtik'atzin akuchi nirik'-wi ya'l richin yechaqirisex. Y kan man jun bey chik xtok jun nima-tinamit achi'el re wakami.

Ez 26:14 ပူးပေါင်းရင်းမြစ်များ

Wuj Richin ri Achin Job 12:14

Roma ri' toq rija' k'o ri nuwulaj, man jun chik nitikir nipaban-q'anej. Toq rutz'apen jun wineq pa jun tijoj-poqonal, man jun ri xtisq'open-el richin.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

Wuj Richin ri Isaías 14:27

Roma re' kan ja ri Jehová ri k'iytisanel richin ronojel ri xbin, y kan man jun chik ri xtiq'aton richin. Ri ruq'a' rutzeqen richin nuya' rutojbalil pa kiwi'. y kan man jun k'o ruchuq'a' richin nutzolij ta ri ruq'a' rija'.

Wuj Richin ri Isaías 23:12

Y xubij chike ri aj-Sidón chi xtik'is ri nimaq'ij ri nikiben, y ri kiwinaq xa kan janila xketz'ilox. Y stape' xke'animej-el pa ruwach'ulew Quitim, xa kan man jun bey chik xtik'oje' uxlanen kik'in.

Ez 21:32

Kan xkixk'at y ri ikik'el kan xtibiyin chuwech re ruwach'ulew y kan man jun chik xtinatan iwichin. Yin Jehová ri yibin, xcha'.

Ez 22:14

¿Xkixtikir kami xtipaba-iwi' chinuwech toq yin xkiyakatej chiwij? Yin Jehová ri yibin y kan xtinben k'a ri ninbij.

Ez 26:12

Y kan xtikik'uaj k'a ronojel ibeyomel y chuqa' xtikeleq'aj k'a el ri ik'ayij. Xtikiwulaj k'a kan ri tz'aq y chuqa' ri jebelej taq jay. Ronojel k'a ri che', ri abej y ronojel ri xetzaq, kan xkekik'eq kan chupan ri palou.

Ez 30:12

Xtinchaqirisaj k'a ri kokoj raqen taq ya' richin ri Nilo y k'ari' xtinjech k'a ri kulew ri aj-Egipto pa kiq'a' ri e itzel taq winaqi'. Y xtinben chike ri winaqi' ri' richin xtikiwulaj kan ri ruwach'ulew y xtikik'uaj-el ronojel ri k'o chiri'. Yin Jehová ri yibin.

Ez 47:10

Kan k'a pan En-gadi ri k'o pa xaman, k'a pan En-eglaim ri k'o pa xokon chire ri Tzayi-Choy, xkek'oje' ri e chapoy taq ker y chiri' k'a xtikisa-wi ri kiya'l richin nikichop ker. Y ri ker ri ek'o chiri' kan pa ruk'iyal ri xkek'oje', y kan jalajoj k'a ri ker achi'el ri ek'o chupan ri palou.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Ez 5:17

Kan xtinteq k'a pe nima'q taq wayjal y chuqa' k'uxunela' taq chikopi' chi'ikojol richin yekik'is ri iwalk'ual. Chuqa' xtinteq-pe nima'q taq yabil y labal chi'ikojol richin keri' e k'iy xkeken. Yin Jehová ri yibin ronojel re', xcha'.

Wuj Richin ri Malaquías 1:4

Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Deut 13:16

Nimol ruchi' ronojel ri kibeyomel y nimontonij pa nima-ruwech bey richin molojri'il, y niya' ruq'aq'al ri tinamit y ronojel ri k'o kik'in y re' xtok achi'el jun poron chikop chuwech ri Jehová ri qa-Dios. Y kan xtok k'a kan wuluwik abej y man jun bey chik xtipabex-q'anej.