Ez 26:13 - Kaqchiquel Bible

¹³ Richin keri' xtinben chiwe chi man xtak'axatej ta chik ri bix richin nimaq'ij y man xtak'axatej ta chik ri ruch'abel ri arpa.

Ez 26:13 ပူးပေါင်းရင်းမြစ်များ

Wuj Richin Bix Chire ri Dios 137:2

Chirij k'a ri ruq'a' taq che' ri ek'o chiri' niqatzeqeba-wi ri qaq'ojom.

Wuj Richin ri Isaías 14:11

Ja re wawe' xok'is ri animirisanen, y ri q'ojom man xtiq'ajan ta chik awik'in. Kan ja ri jut xke'ok ach'at; chuqa' kan ja ri jut xke'ok aq'u'.

Wuj Richin ri Isaías 22:2

Rix aj-Jerusalem, ri Dios nuk'utuj chiwe achike roma kan janila yixwosq'o'l y janila pan ichi'. rix ix jun tinamit ri niqa' chiwech ri etz'anen, y kan janila yixkikot Roma ri achi'a' ri xekamisex, man rik'in ta espada xekamisex-wi. Ri xeken, xa man pa labal ta xeken-wi.

Wuj Richin ri Isaías 23:12

Y xubij chike ri aj-Sidón chi xtik'is ri nimaq'ij ri nikiben, y ri kiwinaq xa kan janila xketz'ilox. Y stape' xke'animej-el pa ruwach'ulew Quitim, xa kan man jun bey chik xtik'oje' uxlanen kik'in.

Wuj Richin ri Isaías 23:16

Rat ixoq itzel ak'aslen ri at mestan kan, taq'ojomaj k'a ri aq'ojom arpa. Kabiyaj k'a chupan chijun ri tinamit, y taq'ojomaj k'a jebel, y tabixaj k'a k'iy bix; rik'in juba' yatoqaqa chik chikik'u'x, nicha' ri bix.

Wuj Richin ri Isaías 23:7

¿Man ja ta kami tinamit re' ri k'o pe ojer ri kan nojineq rik'in kikoten? ¿Man ja ta kami tinamit re' chi ri winaqi' xkitaluj-ki' chuwech chijun ruwach'ulew?

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Wuj Richin ri Jeremías 16:9

Yin Jehová k'iytisanel richin ronojel, ri Dios richin ri tinamit Israel ri yibin. Tabij k'a chike ri awinaq: Chi yin xtinben chi chupan ronojel ri itinamit xtik'is ri bixanik richin nimaq'ij, ri kikoten y chuqa' ri bixanik richin k'ulubik. Re' kan xtibanatej yan y rix kan xtitz'et rik'in ri runaq' taq iwech, xkacha' chike.

Wuj Richin ri Jeremías 25:10

Ninbenbana' k'a chiwe richin chi'ikojol rix man xtak'axatej ta chik bixanik richin nimaq'ij ni richin kikoten. Ni man xtak'axatej ta chik bix richin k'ulubik, ni man xtak'axatej ta chik ri abej richin ke'en, ni man xtitz'etetej ta chik ri saqil kichin ri taq lámpara.

Wuj Richin ri Jeremías 7:34

Chiri' pa taq tinamit Judá y pa taq bey richin ri tinamit Jerusalem man jun chik bixanik richin nimaq'ij, o richin kikoten o ri bixanik richin k'ulubik, roma chijun ruwach'ulew xtitole' kan.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Os 2:11

Ronojel ri kikoten ri k'o rik'in kan xtinwelesaj k'a chire. Xtinpaba' k'a ri nimaq'ij richin ri k'ak'a' taq ik' y ri q'ij richin uxlanibel, kan ronojel k'a nimaq'ij xtinpaba'.