Ez 26:12 - Kaqchiquel Bible

¹² Y kan xtikik'uaj k'a ronojel ibeyomel y chuqa' xtikeleq'aj k'a el ri ik'ayij. Xtikiwulaj k'a kan ri tz'aq y chuqa' ri jebelej taq jay. Ronojel k'a ri che', ri abej y ronojel ri xetzaq, kan xkekik'eq kan chupan ri palou.

Ez 26:12 ပူးပေါင်းရင်းမြစ်များ

2 Crón 32:27

Rija' kan xk'oje' k'a janila ruq'ij y rubeyomel, kan pa ruk'iyal k'a xk'oje' rik'in, ri saqipueq, q'anapueq, jalajoj jebelej taq abej, jubulej taq aq'om, tobel y jalajoj ruwech ri kan k'o kejqalen.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

Wuj Richin ri Isaías 23:11

Ri Jehová kan xuya' ri ruq'a' pa ruwi' ri palou, richin xeruk'is ch'aqa' chik rey. Y ri kiwinaq kan xebaybot. Jak'a re wakami, rija' xubij chi xkewulex ri tinamit ri ek'o pa ruwach'ulew Canaán.

Wuj Richin ri Isaías 23:8

Ri k'ayinela' richin Tiro ja ri rey y ri e tata'al. Ri loq'onela' ja ri más k'o kiq'ij chuwech re ruwach'ulew. ¿Achike kami k'a ri xch'obon re jun wululen re' pa ruwi' ri Tiro?

Wuj Richin ri Isaías 32:12

Kan tik'utu' richin ixk'o pa bis, roma ri juyu' kan man xkewachin ta chik, y ri xtikik'uluwachij ri tiko'n richin uva.

Wuj Richin ri Jeremías 25:34

¡Kixjilon rix yuq'unela' y kixsik'in roma q'axo'n! roma xapon ri q'ij richin rix kan xkixkamisex achi'el niban chike ri karne'l jebel e ti'oj. Roma ri' tibolqotila-iwi' pan ulew richin nik'ut ri bis.

Wuj Richin ri Jeremías 52:14

Chirij ri' ri Nebuzaradán y ri aj-labal aj-Babilonia ri e tzeqelibeyon richin xkiqasaj k'a pan ulew ri tz'aq ri k'o chirij ri tinamit Jerusalem.

Ez 26:5

Ri tinamit ri' xa xtok k'a jun achi'el rik'ibel ya'l kichin ri karunela' ri pa runik'ajal ri palou. Yin Jehová ri yibin y ninjikiba' ronojel re'. Y ri tinamit Tiro kan xteleq'ex k'a ronojel ri k'o rik'in koma ri ch'aqa' chik ruwach'ulew.

Ez 28:8

Toq xkaken, xkabe k'a pa jul richin muqbel, y kan keri' k'a xkaken pan awajawaren pa runik'ajal ri ya'.

Dn 11:8

Xkekik'uaj k'a el ri e ruwachibel ri ki-dios ri aj-Siria, ri banon rik'in saqipueq y q'anapueq. Y toq xketzolin pan Egipto, kan k'iy k'a juna' ri man xtikineq ta ri Siria.

Os 13:15

Stape' ri Israel xtiwinaqir-q'anej chikikojol ri rach'alal, xa kan xtipe k'a jun kaq'iq' pa relebel-q'ij, xa kan xtipe k'a jun kaq'iq' wichin yin Jehová ri xtijote-pe pa tz'iran ruwach'ulew. Re kaq'iq' re' kan xtuchaqirisaj k'a kan ronojel ri ralaxbal taq ya' y kan xkek'is k'a ronojel. Ri e etzelanel kichin xa kan xtikik'uaj k'a el ronojel ri beyomel y ronojel ri k'o rejqalen ri k'o kik'in.

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Wuj Richin ri Nahum 2:9

¡Ri e etzelanel kichin nikibij: ¡Qak'uaj-el ri saqipueq y ri q'anapueq! ¡Ri rubeyomel ri Nínive kan man yojtikir ta niqak'is-el!

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.