Ez 25:7 - Kaqchiquel Bible

⁷ Roma ri' kan xkiyakatej k'a chiwij y xkixinjech k'a el pa kiq'a' ch'aqa' chik winaqi' richin chi nikelesaj kan chiwe ronojel ri k'o iwik'in. Kan xtinben k'a chiwe chi xkixk'is jumul richin man xtipaba' ta chik q'anej ri iruwach'ulew. Y ri ka'i-oxi' chik ri xkek'oje' kan, xtiketamaj chi ja yin Jehová ri ink'o pa ruwi' ronojel, xcha'.

Ez 25:7 ပူးပေါင်းရင်းမြစ်များ

Wuj Richin ri Sofonías 1:4

Xtinteq-pe ruk'ayewal pa ruwi' ri tinamit Jerusalem y chijun ri ruwach'ulew Judá. Xkenk'is-el konojel ri ruwachibel ri Baal. Chuqa' xkenk'is ri e sacerdote ri nikisamajij;

Ez 25:16

Jak'a wakami ja yin xkinok etzelanel kichin ri aj-Filistea. Y kan xkenk'is k'a konojel winaqi' ri ek'o pa taq'aj chuchi' ri palou.

Ez 25:13

Roma ri' yin Jehová xkiyakatej k'a chikij rije' y kan xkenk'is k'a ri winaqi' y ri chikopi'. Kan xtitole' k'a kan, nitiker k'a el pa tinamit Temán y napon k'a pa tinamit Dedán. Y keri' konojel k'a winaqi' xkeken chi espada.

Ez 35:3

Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Ez 6:14

Chupan ri q'ij ri', xtintzeqej k'a nuq'a' pa kiwi' ri awinaq israelita richin ninya' rutojbalil-mak pa kiwi'. Y kan k'a kela' pa xokon chire ri tz'iran ruwach'ulew, k'a kela' pa xaman chire ri tinamit Riblá, kan xtinben k'a tz'iran chire chijun ri ruwach'ulew. Y kan xtiketamaj chi ja yin Jehová, xcha' chuwe.

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

Wuj Richin ri Isaías 33:4

Y ri janila chi qawinaq xke'el-el chusik'ik ri kibeyomel achi'el nikimol-ki' ri sak' chirij ri tiko'n. Y xtikik'uaj-el ronojel ri kan kichin rije'.

Wuj Richin ri K'uxla'anik 1:14

Ri ralal ri qamak kan jak'a ri' ri xuya' ri Dios pa qawi'. achi'el ri che' ri niya'ox pa kiwi' ri bóyix. Y ri' kan xuk'is k'a chijun quchuq'a'. Ri qajaw xojrujech pa kiq'a' ri winaqi' ri man xojtikir ta chikij.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Ez 21:32

Kan xkixk'at y ri ikik'el kan xtibiyin chuwech re ruwach'ulew y kan man jun chik xtinatan iwichin. Yin Jehová ri yibin, xcha'.

Ez 26:5

Ri tinamit ri' xa xtok k'a jun achi'el rik'ibel ya'l kichin ri karunela' ri pa runik'ajal ri palou. Yin Jehová ri yibin y ninjikiba' ronojel re'. Y ri tinamit Tiro kan xteleq'ex k'a ronojel ri k'o rik'in koma ri ch'aqa' chik ruwach'ulew.

Ez 25:10

Xtinya' ri ruwach'ulew ri' chike ri winaqi' ri ek'o pa relebel-q'ij, achi'el xtinben kik'in ri amonita. Xkenk'is jumul ri aj-Moab achi'el xtinben kik'in ri aj-Amón, richin keri' xtiketamaj chi ja yin Jehová ri ink'o pa ruwi' ronojel, xcha'.