Ez 25:6 - Kaqchiquel Bible

⁶ Ja yin Jehová ri yibin. Y rix aj-Amón, toq ri ruwach'ulew Judá xa xwuluwu-qa, rik'in k'a kikoten xipaq'apa-iq'a' y chuqa' rik'in k'a ronojel iwánima xe'iwetzelaj.

Ez 25:6 ပူးပေါင်းရင်းမြစ်များ

Wuj Richin ri Achin Job 27:23

Y roma ri nuk'uluwachij ri wineq ri', ri ch'aqa' chik winaqi' kan nikipaq'apa' kiq'a' chirij, y xabakuchi k'o-wi yexuban chirij, richin nikik'ut chi yekikot chirij roma ri rubanon.

Wuj Richin ri Achin Job 34:37

Roma rija' man xaxe ta k'a jun aj-mak, pa ruwi' ri', rija' kan yakatajineq chirij ri Dios, kan chiqawech k'a roj nretzelaj y nitze'en chirij ri Dios, kan janila nich'on y nich'ojin chire rija'.

Wuj Richin Etamabel-Tzij 24:17

Toq rat natz'et chi ri wineq ri netzelan awichin, nitzaq, man kakikot chirij; chuqa' man katze'en ri pan awánima, roma rija' nitzaqilan rik'in ri ruk'aslen.

Wuj Richin ri Jeremías 48:27

roma rix aj-Moab, kan xixyojoben chikij ri israelita y xixch'on chikij rije' rik'in joyobenik, chi achi'el xa ta e eleq'oma'.

Wuj Richin ri K'uxla'anik 1:7

Ri winaqi' aj-Jerusalem kan noqaqa k'a chikik'u'x ronojel ri beyomel ri xk'oje' kik'in ri ojer kan. Jak'a re wakami xa nikitej poqon juk'an chik ruwach'ulew. Toq xetzaq pa kiq'a' ri e etzelanel kichin, kan man jun xto'on kichin. Ri e etzelanel kichin xekitzu' y xetze'en chikij roma ri kiwululen.

Wuj Richin ri K'uxla'anik 2:15

Konojel ri winaqi' ri yeq'ax keri' qik'in, kan yojkitze'ej kan. Chuqa' yexuban y nikisiloj ri kijolon chiqij. Ri e etzelanel qichin yetze'en y nikibij: Jak'a tinamit re' ri nikibij chi kan janila jebel, Kan jare' ri ruwaq'ijaj richin chijun ruwach'ulew, yecha'.

Ez 25:15

Kere' xubij ri Jehová: Ri aj-Filistea rik'in janila koyowal xkiya' rutojbalil chike ri nuwinaq israelita, roma rije' kan ojer-pe-ri' ketzelan-ki' y kan xkijech k'a ki' richin chi xkekik'is jumul ri nuwinaq.

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Ez 35:15

Achi'el xixkikot rix chikij ri nuwinaq israelita toq xwulatej ronojel kichin rije', keri' chuqa' xtinben chiwe rix chi xtitole' kan ri juyu' richin Seir y chijun chuqa' ri ruwach'ulew Edom. K'ari' xtiketamaj konojel winaqi' chi ja yin Jehová, xcha'.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Wuj Richin ri Abdías 1:12

Man ruk'amon ta chi rix xe'iwetzelaj ri iwach'alal toq xech'akatej. Man ruk'amon ta chi xixkikot toq xitz'et chi xwulex ri Judá. Man ruk'amon ta chuqa' xixyojoben chikij toq xek'oje' pa bis.

Wuj Richin ri Nahum 3:19

Rat Nínive kan maneq chik raq'omal ri asokotajik; ri sal ri k'o chawij kan man jun nitikir nik'achojirisan. Konojel k'a ri ye'ak'axan chi rat natej poqon kan nikipaq'apa' k'a ri kiq'a' chawij roma kikoten. Roma konojel winaqi' richin ri ruwach'ulew kitijon poqon pan aq'a'; konojel xkina' yan ri awetzelal ri man k'isel ta.

Wuj Richin ri Sofonías 2:10

Jak'a rajel ruk'exel re' ri xtikik'ul ri moabita y ri amonita, roma kan xkinimirisaj-ki', y kan xekik'ixbisaj ri e nutinamit; yin Jehová ri k'iytisanel richin ronojel ri yibin.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

Wuj Richin ri Sofonías 2:8

Yin, Jehová, kan xinwak'axaj toq ri aj-Moab xekiyojobej ri israelita. Chuqa' xinwak'axaj toq ri aj-Amón xech'on itzel chikij ri nutinamit, y xkinimirisaj-ki' chi nikik'en kan ri kiruwach'ulew.