Ez 25:4 - Kaqchiquel Bible

⁴ Roma ri' yin xkixinjech-el pa kiq'a' ri winaqi' ri ek'o pa relebel-q'ij y ja rije' ri xke'ok kan chuwech ri iwulew y chiri' k'a xkek'oje-wi-qa. Y ja rije' ri xketijo ri ruwech ri itiko'n, chuqa' ja rije' ri xkequmun ri leche.

Ez 25:4 ပူးပေါင်းရင်းမြစ်များ

Wuj Richin ri Rutikeribel 29:1

Xuchop chik k'a el bey ri Jacob y xapon pa kiruwach'ulew ri ek'o pa relebel-q'ij.

2 Sam 12:26

Rokik xbanatej ronojel re', ri Joab ruchapon k'a oyowal rik'in ri tinamit Rabá kichin ri amonita. Y xuchop yan k'a ri chajibel richin ri yakbel-ya'. Y xuteq rutzijol rik'in ri David pa ruwi' ronojel re'.

1 Rey 4:30

Kan janila k'a nim ri na'oj richin ri rey Salomón, kan xik'o chikiwech ri na'oj kichin ri winaqi' ri aj pa relebel-q'ij, y ri winaqi' aj-Egipto.

Wuj Richin ri Isaías 1:7

Ri iruwach'ulew xa kan man jun chik k'o chuwech; y konojel ri itinamit kan xeporox. ri e etzelanel iwichin kan chiwech rix nikitej-el ri itiko'n ri ibanon-qa, y kan nimalin kan achi'el toq nikiwulaj kan ri man e aj wawe' ta.

Wuj Richin ri Isaías 41:2

¿Achike kami xbanon richin xbek'ulun-pe jun rey chiri' pa relebel-q'ij? ¿Achike kami xya'on ri ajawaren pa ruq'a'? ¿Achike kami xejachon-el ri tzobaj winaqi' richin ri ruwach'ulew pa ruq'a'? Y ¿Achike kami xq'aton kichin ri ch'aqa' chik rey? Ri rey ri xtipe kere' pa relebel-q'ij, xkerukamisaj ri winaqi' chi espada, y rije' xke'ok poqolaj. Chuqa' xkerukamisaj rik'in ri rute-ruch'ab, y ri rupoqolajul ri kich'akul ri winaqi' ri' xtuk'uex-el roma kaq'iq', achi'el nuben ri solot.

Wuj Richin ri Isaías 65:22

Man xtibanatej ta chi ja ri ch'aqa' winaqi' yepaban-q'anej ri jay, y xa ch'aqa' chik yek'oje' kan chupan. Chuqa' man xtibanatej ta chi ja ri ch'aqa' winaqi' nikiben-qa ri kitiko'n, y xa ch'aqa' chik yetijo ri ruwech. Ri nuwinaq kan xkeyaloj xkek'ase-el, achi'el nik'ase' jun che'. Rije' kan xtikitej ronojel ri nikisamajij-qa.

Wuj Richin ri K'uxla'anik 1:14

Ri ralal ri qamak kan jak'a ri' ri xuya' ri Dios pa qawi'. achi'el ri che' ri niya'ox pa kiwi' ri bóyix. Y ri' kan xuk'is k'a chijun quchuq'a'. Ri qajaw xojrujech pa kiq'a' ri winaqi' ri man xojtikir ta chikij.

Ez 25:10

Xtinya' ri ruwach'ulew ri' chike ri winaqi' ri ek'o pa relebel-q'ij, achi'el xtinben kik'in ri amonita. Xkenk'is jumul ri aj-Moab achi'el xtinben kik'in ri aj-Amón, richin keri' xtiketamaj chi ja yin Jehová ri ink'o pa ruwi' ronojel, xcha'.

Wuj Richin ri Chojmirisabelri'il 26:16

yin kan xtinteq k'a pe jun nimalej ruk'ayewal ri nuk'en-pe xibinri'il. Chuqa' xtinteq k'a pe jun nimalej yabil chiwij richin xtuk'is ri iwuchuq'a' y xtinteq k'a pe nimalej k'aten chiwij y xtipe k'a por pa runaq' taq iwech roma ri nimalej k'aten ri'. Y kan xkixmayamo' k'a qa. Ri itiko'n ri xtiben-qa kan man xtitej ta chik roma xa ja ri etzelanel iwichin xketijo.

Wuj Richin ri Q'axanri'il 23:7

K'ari' ri Balaam xch'on k'a y xuq'alajirisaj ri ruch'abel ri Jehová chike y xubij k'a: Rat Balac k'a kela' pa nuruwach'ulew Aram xinabek'ama-wi-pe, Rat rey richin Moab ri atk'o pa taq juyu', ri pa relebel-q'ij xinak'en-pe wawe'. Xabij: Katanpe k'a y ja rat ri kach'on woma yin. Katanpe k'a y tawoyoj itzel chirij ri rutinamit kan ri Jacob, xacha' chuwe.

Deut 28:33

Ronojel ri itiko'n ri kan ja rix ix samajiyon-qa xketij koma ri winaqi' ri man jun bey iwetaman ta kiwech, y kan jantape' xtiban chiwe richin xtitej poqon.

Deut 28:51

Rije' xkekitej ri kal ri iwawej y xkekitej ri itiko'n ri iya'on-qa chuwech ri iwulew y kan xkixk'ayewatej, man xtikiya' ta kan i-trigo, ni i-vino, ni ri aceite, ni ta ri taq alaji' kal ri e kokoj y nima'q taq iwawej, y roma ri' rix xkixken roma wayjal.

Wuj Kichin ri To'onela' 6:33

Y xapon chik k'a ri q'ij chi ri winaqi' madianita, ri winaqi' amalecita y ri winaqi' ri ek'o pa relebel-q'ij, rije' xkimol chik ki', y kan jari' xeq'ax-pe re juk'an chik ruchi' ri raqen-ya' Jordán, y xek'oje-qa ri chiri' pa taq'aj rubini'an Jezreel.

Wuj Kichin ri To'onela' 7:12

Ri aj-Madián, y ri winaqi' amalecita y ri winaqi' ri yepe pa relebel-q'ij kinojisan k'a chijun ri li'on ulew ri' y kan janila e k'iy, kan achi'el toq ye'ok'ulun ri sak' ri xa man e ajlatel ta; y ri ki-camello kan janila chuqa' e k'iy achi'el ri sanayi' ri k'o chuchi' ri palou.

Wuj Kichin ri To'onela' 8:10

Y ri Zebáh y ri Salmuná ek'o chiri' pa tinamit Carcor, e kachibilan e 15,000 aj-labal; konojel re' jare' ri k'a ek'o kan chike ri achi'a' ri xeyakatej chikij ri israelita, roma xa xeken yan e 120,000 achi'a' chike rije'.