Ez 24:9 - Kaqchiquel Bible

⁹ Roma ri' kere' k'a ninbij yin: Toq'ex ruwech ri tinamit kamisanel, roma ri' yin xtinya' k'iy si' chuchi' ri tinamit richin nujin q'aq'.

Ez 24:9 ပူးပေါင်းရင်းမြစ်များ

Wuj Richin ri Habacuc 2:12

Kan toq'ex awech rat ri kan k'o chi naben na kamik richin napaba' jun tinamit, ri kan chupan k'a ri mak nayek-q'anej.

Ez 24:6

Yin Jehová ri yibin. Toq'ex ruwech ri tinamit Jerusalem roma ek'o janila kamisanela' chiri'. Ri tinamit ri' achi'el xa ta jun bojo'y ri banon rik'in q'eqapueq y ruchulun-ri' ri kan man nel ta chik. Y ri winaqi' xke'elesex-el chupan ri Jerusalem achi'el niban rik'in ri ti'ij toq nelesex-el chupan ri bojo'y y ri bojo'y nik'oje' kan keri'.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Apocalipsis 14:20

Keri' ri uva ri' xpitz' k'a chuchi' el ri tinamit. Y chupan ri yitz'bel xbe'el-pe janila chi k'ik' y xbiyin-el nej y ri raqen jun la'eq lajuj q'ij binen, y ri rupimil napon k'a akuchi nibe-wi ri ch'ich' pa kichi' ri kiej.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Wuj Richin ri Nahum 3:1

Toq'ex awech, rat Nínive roma kan at kamisanel. Y kan xaxe tz'ukun-tzij naben. Y at nojineq rik'in q'oloj, y kan man yatane' ta chubanik ri eleq'.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Wuj Richin ri Isaías 31:9

Roma ri xibinri'il, ri chajinela' xtikimalij kan ri kisamaj, y ri aj-raqen xtikik'en rukiy toq xtikitz'et ri retal ri kik'amon-pe ri e etzelanel kichin. Ri Jehová nuq'alajirisaj chi ronojel re' kan xtibanatej. Y rija' kan runaban chik ri q'aq' ri chiri' pa tinamit Sión, richin xtuya' rutojbalil pa kiwi' ri e etzelanel kichin.

Ez 24:10

Kan xtinya' k'a k'iy si' chuxe' ri bojo'y richin keri' kan nichaq'aj jebel ri ti'ij k'a toq xtik'is na ri ruya'al y k'a xkek'at na ri baq.

Ez 21:2

Rat Ezequiel, katzu'un kela' pa Jerusalem y kach'on chikij ri akuchi nikiya' kiq'ij ri ki-dios y chirij chijun ruwach'ulew.

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Ez 22:2

Rat Ezequiel, xapon yan ri q'ij richin xtiq'at-tzij pa ruwi' ri Jerusalem, roma jun tinamit ri ruyon kamik e rubanalon. Kan taq'alajirisaj chuwech ronojel rumak ri kan man utz ta nintz'et.