Ez 24:3 - Kaqchiquel Bible

³ Kach'on rik'in k'ambel-tzij kik'in ri awinaq roma e yakatajineq chuwij y tabij chike chi tikiya' pa q'aq' jun bojo'y ri banon rik'in q'eqapueq, ri ruchulun-ri'. K'ari' tikiya' ya' chupan.

Ez 24:3 ပူးပေါင်းရင်းမြစ်များ

Ez 20:49

Y yin xinbij k'a chire: ¡Ajaw!, ri winaqi' nikibij chi yin xaxe yenbila' ch'abel ri man jun achoq chuwech niq'ax-wi, xicha'.

Ez 17:2

Rat Ezequiel, kach'on pa nubi' kik'in ri awinaq israelita y taya' jun k'ambel-tzij chikiwech.

Ez 11:3

Y nikibila' k'a chi ri jay kan kow ek'o y man xketzaq ta qa. Chuqa' nikibij chi ri tinamit achi'el jun bojo'y y rije' e achi'el ri ti'ij ri jebel e yakel chupan.

Ez 2:6

Rat Ezequiel, man tak'en kikiy y man taxibij-awi' roma ri kich'abel. Stape' xtana' achi'el xa ta atk'o pa k'ix o atk'o chikikojol alacrán. Man timayamo-qa ri awánima, stape' rije' kan xkeyakatej chawij.

Ez 2:3

Kere' k'a xubij chuwe: Rat Ezequiel, wakami yin xkatinteq-el chikikojol ri awinaq israelita. Rije' e jun tinamit ri man e nimey ta tzij. Y ri kati't-kimama' xa xeyakatej chuwij k'a re q'ij wakami.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Ez 24:6

Yin Jehová ri yibin. Toq'ex ruwech ri tinamit Jerusalem roma ek'o janila kamisanela' chiri'. Ri tinamit ri' achi'el xa ta jun bojo'y ri banon rik'in q'eqapueq y ruchulun-ri' ri kan man nel ta chik. Y ri winaqi' xke'elesex-el chupan ri Jerusalem achi'el niban rik'in ri ti'ij toq nelesex-el chupan ri bojo'y y ri bojo'y nik'oje' kan keri'.

Ez 2:8

Rat kan tawak'axaj k'a jebel re xtinbij-el chawe y man kayakatej chuwij achi'el nikiben rije'. Tajaqa' la achi' y tatija' re xtinbenya' chawe, xcha' ri Jehová chuwe.

Wuj Richin ri Isaías 30:9

Roma ri awinaq kan janila man e nimey ta tzij, achi'el e alk'ualaxela' ri janila e tz'ukuy taq tzij, y achi'el e alk'ualaxela' ri man nikajo' ta nikak'axaj ri nupixa'.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Wuj Richin Bix Chire ri Dios 78:2

Kan xkich'on k'a rik'in etamabel-tzij, xtinq'alajirisaj ri kan e ewatel-pe ojer.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

San Lucas 8:10

Ri Jesús xubij k'a chike: Chiwe rix ya'on k'a q'ij chi niwetamaj ri ewatel chirij ri rajawaren ri Dios. Jak'a chike ch'aqa' chik winaqi', rik'in k'ambel taq tzij yich'on-wi kik'in, richin chi stape' nikitz'et ta jebel, man nikitz'et ta; y stape' nikak'axaj, man niq'ax ta chikiwech.

Marcos 12:12

Ri achi'a' achoq ik'in xch'on-wi ri Jesús k'o ta xkajo' chi xkichop yan ta el, roma xkinabej chi ri qajoy taq ulew ri xerunataj chupan ri k'ambel-tzij, xa chikij rije' xch'on-wi. Jak'a xa man jun xkiben, roma nikixibij-ki' chikiwech ri winaqi' ri ek'o rik'in. Roma ri' xa xkiya' kan ri Jesús y xebe.

Wuj Richin ri Miqueas 2:4

Chupan ri q'ij ri' kan xtiban k'a jun bix richin tze'en chikij. Y kere' k'a nubij: Kan xojwulex k'a jumul, y ronojel ri k'o qik'in xa xch'ar chikiwech ch'aqa' chik. Wakami ri Dios xrelesaj ri qulew roj, y xuya' kan pa ruq'a' ri etzelanel qichin.

Ez 17:12

kich'on kik'in ri nuwinaq ri man e nimey ta tzij y tinbij chike: ¿Xq'ax kami chiwech rix ronojel re'? Nel chi tzij chi ri rey ri k'o pa ruwi' ri ruwach'ulew Babilonia xapon pa Jerusalem y xuk'uaj-el ri rey richin Judá y keri' chuqa' xeruk'uaj-el ri aj-raqen y xeberuya' pa Babilonia.

Ez 12:25

Roma ri', ja yin Jehová ri xkich'on y ri xtinbij kan xtinben y kan man xtinya' ta chik kan k'iy q'ij. Y kan xtinben k'a richin xtikitz'et ri awinaq ri e yakatajineq chuwij. Yin Jehová ri yibin, xcha'.

Ez 12:2

Rat Ezequiel, ri atk'o chikikojol jun tinamit ri yalan yakatajinenri'il rik'in, roma k'o runaq'-kiwech jak'a xa man nikajo' ta yetzu'un. K'o kixikin jak'a xa man nikajo' ta ye'ak'ex, roma ri winaqi' ri' xa kan e richin yakatajinenri'il.

Ez 11:11

Re jun tinamit re' man xtok ta chiwe rix achi'el jun bojo'y akuchi yakel-wi ri ti'ij. Roma ja yin ri xkibeq'aton-tzij pan iwi' xabakuchi ta ixk'o-wi chupan ri iruwach'ulew.

Ez 11:7

Roma ri' ninbij chi ri kaminaqi' ri', ja rije' e achi'el ri ti'ij y ri tinamit achi'el ri bojo'y. Jak'a rix ri k'a ix k'es kan xkixinwelesaj-el wawe'.

Ez 3:9

Yin xtinben chawe chi kan kow k'a xkak'oje' achi'el rukowil ri abej diamante. Man tak'en kikiy ri winaqi' ri' y man taxibij-awi' chikiwech, roma rije' xa kan e jun ijatzul richin yakatajinenri'il.

Wuj Richin ri Jeremías 1:13

Ri Jehová xch'on chik k'a pe wik'in y xubij chuwe: ¿Achike k'a la yatajin chutz'etik re wakami?, xcha'. Y yin xinbij: Yin nintz'et jun bojo'y ri jebel niroqo y kan nipulin yan el keri' pa xaman.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

2 Rey 4:38

Chirij ronojel re', ri Eliseo xtzolin pa Guilgal, y chiri' janila wayjal k'o. Y ri e q'alajirisey ruch'abel ri Dios e tz'uyul k'a apo rik'in rija'. Ri Eliseo xubij k'a chire ri rusamajel: Taya-qa jun bojo'y nim pa ruwi' q'aq', y tabana' kiq'utun ri e q'alajirisey ruch'abel ri Dios, xcha'.

Wuj Richin ri Jeremías 1:14

K'ari' ri Jehová xubij chuwe: Pa xaman k'a xtipe-wi ri ruk'ayewal ri xtiqaqa pa kiwi' konojel ri winaqi' ri ek'o chuwech re ruwach'ulew re'.

Wuj Richin ri Isaías 29:2

Jak'a chirij ri', yin kan xkixinya' pa latz', y kan xkixok k'a jun tinamit richin q'axo'n y raqoj-chi'ij; y ri tinamit xtok achi'el jun porobel akuchi yeporox-wi ronojel.

Ez 2:2

Rokik k'a nich'on wik'in jari' toq ri ru-Espíritu xok wik'in richin xitikir xipa'e-q'anej. Y kan xinwak'axaj k'a ri xubij chuwe.

Ez 2:5

Rije' kan e itzel taq winaqi' y roma ri' stape' xkatkak'axaj o ni, xaxe tiketamaj chi k'o jun q'alajirisey nuch'abel chikikojol.