Ez 24:21 - Kaqchiquel Bible

²¹ Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 24:21 ပူးပေါင်းရင်းမြစ်များ

Ez 23:47

Konojel ri winaqi' richin chijun ri ruwach'ulew xkixkikamisaj chi abej y kan xkixk'ajix chi espada. Chuqa' kan xkekikamisaj ri iwal alaboni' y xtani' y xtiporox kan ri iwachoch.

Ez 23:25

Yin kan janila yatinwajo', jak'a k'o chi xtinwelesaj woyowal chawij. Roma ri' rije' kan xtik'o chik ruwi' xtikiben chawe. Kan xtikiqupij k'a el ri atza'n y chuqa' ri axikin. Y ri winaqi' ri k'a xkek'oje' na kan chiri' pa Jerusalem xa kan chi espada xkekamisex-wi. Chuqa' xkekik'uaj k'a el ri awal chi xtani', chi alaboni' y pa ruk'isibel xkenk'is rik'in q'aq'.

Wuj Richin ri Jeremías 7:14

Roma ri' achi'el xink'is ri tinamit Siló, keri' xtinbenk'isa' ri wachoch ri kan ch'aron chuwe yin ri k'o wawe', stape' kan xinya' chiwe rix y chike ri iwati't-imama' y ri achoq ik'in ikuquban-wi ik'u'x rix.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Ez 24:16

Rat Ezequiel, wakami xtinwelesaj-el ruk'aslen ri awixjayil, ri kan janila nawajo'. Jak'a rat kan man xkatoq' ta chirij, kan man xtibiyin ta ri ruya'al runaq'-awech roma rija'.

Wuj Richin ri Jeremías 6:11

Kan woyowal achi'el rat y janila xikos yan richin ninkoch', xicha'. Roma ri' ri Dios nubij: Kan xtinya' k'a pa kiwi' ri taq ak'uala' ri ye'etz'an pa taq bey y chuqa' pa kiwi' ri alaboni' ri nikik'uaj-ki' pa taq tzobaj. Chuqa' chi achi'a' chi ixoqi' xke'uk'uex ta el pa ximonri'il, junan kik'in ri más taq e rijita'q.

Wuj Richin Bix Chire ri Dios 84:1

¡Jehová k'iytisanel richin ronojel, ri awachoch kan janila jebel!

Dn 11:31

Ri e aj-labal aj-Siria xkeyakatej k'a chirij ri rachoch ri Dios, y xtikiben chire chi man jun rejqalen. Xtikipaba' k'a rusujik ri kamelabel ri yesuj ronojel nimaq'a' y tiqaq'ij, y xtikisuj k'a jun tz'il laj kamelabel ri kan nrixowaj ri Dios.

Ez 9:7

K'ari' xubij chike chi kekinojisaj rik'in kaminaqi' ri ruwa-jay y keri' k'a xtikiben chi xtok man ch'ajch'oj ta. Xeri' xeruteq-el pa tinamit ri kamisanela'. Y rije' kan xebekamisan kan.

Wuj Richin ri K'uxla'anik 1:10

Ri e etzelanel kichin ri aj-Jerusalem kan xkichop-qa ri kibeyomel. Rije' kan xekitz'et k'a toq ri winaqi' maneq Dios chikiwech xe'ok-apo chupan ri rachoch rija', ri rubin kan chi man xabachike ta wineq nok-apo chupan.

Wuj Richin ri Jeremías 9:21

Ri kamik kan xok yan apo pa taq qachoch, chuqa' xok yan apo chiri' pa taq tobel. Chuqa' ri pa taq bey; ja ri taq ak'uala' ri yeken kan y pa taq nima'q ruwech bey richin molojri'il, ja ri alaboni' ri yeken kan.

Wuj Richin ri Isaías 65:11

Jak'a rix xa xinimalij kan yin Jehová, y kan ximestaj kan ri juyu' ri kan wichin yin. Chuqa' nisuj q'utun chikiwech ri Gad y ri Miní.*f13*

Wuj Richin Bix Chire ri Dios 132:8

Katok k'a apo chupan ri awachoch, Jehová, richin junan yak'oje' rik'in ri káxa ri retal ri awuchuq'a'. Y chiri' xkak'oje-wi tibe-q'ij tibe-seq.

Wuj Richin Bix Chire ri Dios 105:4

Kan ja ri Jehová tikanoj y tikanoj ri ruchuq'a'. Kan jantape' k'a titzu' ruwech rija'.

Wuj Richin Bix Chire ri Dios 96:6

Ri chuwech rija' kan xaxe k'a ruwaq'ijaj k'o. Uchuq'a' y k'ojlemal k'o pa rachoch.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 74:7

Kan xkiya' k'a ruq'aq'al ri awachoch; xkiqasaj ruq'ij ri awachoch ri akuchi ninimirisex-wi ri abi', y xkiben chire chi man jun rejqalen.

Wuj Richin ri Chojmirisabelri'il 26:19

Kan xtinqasaj k'a iq'ij, ri kaj man chik xtuya' ta pe job, y roma ri' kan xtikowir ri iwulew.

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Ez 24:20

Y yin xinbij chike, ri Jehová kere' xubij chuwe:

Ez 24:22

Y rix xtibebana' achi'el ri xinben yin chire ri Ezequiel: Man xtitz'apej ta ri ipalej retal richin bis, ni man xtitej ta q'utun richin bis.

Ez 24:25

Y ri Dios xubij chuwe chi xtrelesaj-el ri rachoch ri achoq ik'in kikuquban kik'u'x ri nuwinaq y achoq ik'in yekikot-wi. Chuqa' xtrelesaj k'a ri kik'aslen ri kimi'al-kik'ajol.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Os 9:16

Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Wuj Richin ri Malaquías 2:12

Ri Jehová kan xtukamisaj ta k'a xabachike ri nibanon keri', stape' ta xtusuj sipanik chuwech.

1 Rey 9:7

wi keri' xtiben, yin xkixinwelesaj-el chupan re ruwach'ulew re nuya'on chiwe. Y ri itinamit Israel kan xtitze'ex y chuqa' itzel rutzijoxik xtiban koma ri winaqi' kichin ch'aqa' chik tinamit chuwech re ruwach'ulew. Chuqa' re jay re akuchi niya-wi nuq'ij, xa kan xtinmalij kan.

Wuj Richin Bix Chire ri Dios 84:3

Chupan ri tz'aq richin ri awachoch rat Jehová nu-Dios yin, kan jajun ri ti tz'unun y ri ti buqul-sib nikiben kisok chiri'. Rije' yekichajij ri taq kal chunaqaj ri aporobal, Jehová k'iytisanel richin ronojel.

Wuj Richin ri K'uxla'anik 2:1

Roma ri royowal ri Jehová, kan xuq'equmarisaj ri tinamit Sión, kan xuben chire chi achi'el xa ta k'a chila' chikaj xberuk'aqa-pe k'a pan ulew. Ri rubanon kan, ri Sión kan jari' ri qajineq chuwech, jak'a re wakami kan man niqaqa ta chuk'u'x roma ri royowal.

Wuj Richin ri K'uxla'anik 2:21

Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.