Ez 24:2 - Kaqchiquel Bible

² Rat Ezequiel, tatz'ibaj k'a re rajlabal re q'ij re' roma ri rey richin Babilonia xa xuteq rubixik chi tichapatej ri oyowal chiri' pa tinamit Jerusalem.

Ez 24:2 ပူးပေါင်းရင်းမြစ်များ

Wuj Richin ri Jeremías 52:4

Y chupan k'a ri q'ij lajuj chire ri ik' lajuj chupan ri juna' beleje' chire ri q'atbel-tzij richin ri Sedequías, jari' toq ri Nabucodonosor rey richin Babilonia y ri aj-labal, xeyakatej chirij ri Jerusalem richin xek'oje-qa chiri'. Y xkisutij-rij ri tinamit y xkimontonij ulew chirij ri tz'aq.

Wuj Richin ri Jeremías 39:1

Chupan k'a ri lajuj ik' chire ri beleje' juna' richin ri q'atbel-tzij richin ri rey Sedequías pa ruwi' ri Judá, ri Nabucodonosor rey richin Babilonia, e rachibilan-pe ri aj-labal xepe richin xokisutij-rij ri tinamit Jerusalem.

2 Rey 25:1

Chupan ri juna' beleje' richin ri q'atbel-tzij richin ri rey Sedequías, chupan ri lajuj q'ij richin ri ik' lajuj, jari' toq ri Nabucodonosor rey richin Babilonia xyakatej chik pe chikij ri aj-Jerusalem, e rachibilan-pe konojel aj-labal. Y rije' xkisutij-rij ri tinamit. Xek'oje-qa chiri' chirij ri tinamit y xekibanala-q'anej tz'aq richin nikito-ki'.

Wuj Richin ri Isaías 8:1

Ri Jehová xch'on chik wik'in y xubij chi tinkanoj jun nim tz'alem y rik'in nima'q taq letra nintz'ibaj pa ruwi' ri bi'aj Maher-salal-hasbaz.*f4*

Ez 24:1

Toq xtz'aqet yan beleje' juna' chi oj uk'uan-el pa Babilonia, chupan ri q'ij lajuj chire ri ik' lajuj, jari' toq ri Jehová xubij chuwe:

Ez 33:21

K'o k'a jun q'ij jun achin xanimej-pe ri chiri' pa Jerusalem y xapon wik'in, toq xtz'aqet kablajuj juna' chi xojk'amer-pe pa Babilonia, chupan ri ro' q'ij chire ri ik' kablajuj. Y rija' xutzijoj chuwe chi ri tinamit Jerusalem xch'akatej pa kiq'a' ri e etzelanel qichin.