Ez 24:13 - Kaqchiquel Bible

¹³ Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Ez 24:13 ပူးပေါင်းရင်းမြစ်များ

Ez 22:24

Rat Ezequiel, kere' tabij chike ri awinaq: Rix ri ixk'o pa ruk'ayewal y roma ix jun tinamit ri man ix ch'ajch'oj ta, roma ri' man qajineq ta job pan iwi'.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Wuj Richin ri Sofonías 3:2

Rix kan man yixniman ta tzij, ni man niwajo' ta richin yixpixabex. Rix man niwajo' ta nikuquba' ik'u'x wik'in yin, Jehová ri i-Dios, y ni man yinitzeqelibej ta.

Ez 16:42

Y keri' xtinwelesaj k'a ri nimalej woyowal chawij y k'ari' xtich'uch'u' ri wánima y man jun bey chik xtipe woyowal chawe.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Apocalipsis 22:11

Roma ri' ri man choj ta ruk'aslen, tubana' k'a ri nrajo'. Y ri uk'uayon jun tz'ilolej k'aslen, tubana' k'a ri nurayij. Jak'a ri choj kik'aslen, man tikijel rubanik. Y ri e ch'aron richin ri Dios, kan keri' k'a tikibana-apo.

Wuj Richin ri Sofonías 3:7

Rija' xuch'ob k'a chi rik'in ri keri' ri aj-Jerusalem xtik'oje' rukiy rija' chikiwech. y xtikik'ul ri rupixabanik. Richin keri' man xke'elesex ta el ri chiri', y ri rutojbalil-mak man xtiqaqa ta pa kiwi' rije'. Man rik'in ri' rije' xa chi'anin xemakun rik'in jalajoj ruwech mak.

Os 7:1

Ri Jehová nubij: Rokik yin ninwajo' ninwaq'omaj ri tinamit Israel, xa xbek'ulun k'a pe ri rumak. xbek'ulun-pe ri itzel taq rubanobal ri tinamit Samaria. Rije' xa kan xaxe k'a q'oloj nikiben, e achi'el k'a eleq'oma' ri ye'ok pa taq jay, kan yekichop k'a ri winaqi' pa taq bey.

Ez 24:11

Toq man jun chik k'o chupan ri bojo'y kan tik'oje' kan pa ruwi' q'aq', k'a toq ri kaqapueq xtikaqer na pa q'aq'. K'ari' xtich'ajch'ojir kan jebel y xtel-el ri ruchulun-ri'.

Wuj Richin ri Jeremías 31:18

Yin kan wak'axan k'a ri koq'ej ri winaqi' israelita toq xkibij: Roj ri pa nabey kan man oj choj ta, achi'el k'a jun nima-alaj achij wákix ri man choj ta nisamej. Jak'a rat kan xaben chiqe richin choj xojsamej. Tabana' k'a chiqe richin yojtzolin pa qaruwach'ulew, roma ja rat Jehová ri at qa-Dios.

Wuj Richin ri Isaías 22:14

Roma ri' ri Jehová k'iytisanel richin ronojel xubij kere' chuwe pan iwi' rix: Kan man xtinkuy ta k'a re mak re' re ibanon, k'a ja toq xkixken, nicha' ri Jehová k'iytisanel richin ronojel.

Wuj Richin ri K'uxla'anik 1:9

Ri kitziaq kan xtz'ilobitej roma ri mak ri', rije' kan man xkich'ob ta k'a ri nuk'en-pe pa kiwi'. Kan nak'en rukiy toq xechapatej chupan ri kimak. Y re wakami kan man jun k'a achike ta nikuquban kik'u'x. Nikik'utuj k'a chire ri Jehová chi tutzu' ri kiq'axo'n. roma ri e etzelanel kichin kan xkinimirisaj-ki'.

Wuj Richin ri Zacarías 6:8

Chirij ri', ri ángel xsik'in-pe wik'in y xubij k'a chuwe chi tintz'eta' ri kiej ri xebe pa xaman, roma xbekiqasaj kan ruwi' ri royowal ri Jehová pa ruwi' ri ruwach'ulew ri'.

Wuj Richin ri Chojmirisabelri'il 13:55

Y toq xtz'aqet yan ri wuqu' q'ij ri', ri sacerdote xkerunik'oj chik jun bey. Wi kan k'a e raxroj o kaqkoj na yetzu'un, stape' ri pus man nimirineq ta, ri' kan man ch'ajch'oj ta, y k'o chi niporox, roma kan jun itzel pus, ri yeq'alajin chikiwech o yeq'alajin chikij.

Wuj Richin ri Chojmirisabelri'il 14:43

Y wi ta ri seq'eseq-seq nibek'ulun chik pe toq xa xelesex yan el ri abej chire ri jay y xjos yan ruwech ri tz'aq y xk'ojox yan chik jun bey,

Wuj Richin ri Jeremías 13:27

Kan nutz'eton ri itzel irayibel, achi'el nikiben ri achi'a' y ri ixoqi' ri nikikanola-ki' richin yemakun, kan nutz'eton k'a ri ruk'ixbilal ri ik'aslen, ri itzel taq ibanobal ri niben pa ruwi' ko'ol taq juyu' y pa taq juyu'. Roma ri' toq'ex iwech rix aj-Jerusalem ¿K'a janipe' k'a nich'ajch'ojirisaj-iwi'?, xcha' ri Jehová.

Wuj Richin ri K'uxla'anik 5:22

Tabana' utzil chiqe stape' oj amalin kan. Niqajo' chi re' xtibanatej ta, stape' janila xyakatej awoyowal chiqij.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.