Ez 23:5 - Kaqchiquel Bible

⁵ Stape' ri Oholá kan wichin yin, xa xbe ruk'u'x kik'in ri aj-labal aj-Asiria ri xe'ajowan richin.

Ez 23:5 ပူးပေါင်းရင်းမြစ်များ

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

2 Rey 17:3

Chirij re' xbeyakatej k'a pe ri Salmanasar rey kichin ri aj-Asiria, y ri Oseas y ri aj-Israel kan xech'akatej koma rije'. Y ri Oseas kan k'o chi nutoj chire ri rey aj-Asiria.

2 Rey 16:7

K'ari' ri Acaz xeruteq k'a el rusamajela' rik'in ri Pul rey richin Asiria, richin xubij-el chire: Yin kan in asamajel y kan achi'el jun chike ri ak'ajol. Katanpe k'a, y kinakolo-el pa ruq'a' ri rey richin Siria, y chuqa' pa ruq'a' ri rey richin Israel, ri kan e yakatajineq chuwij, xcha-el.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

Ez 16:28

Chuqa' man xaxe ta ri', rat xa kan xasuj-awi' chikiwech ri aj-Asiria richin xamakun kik'in y man xaruben ta k'a rik'in ri'.

Wuj Richin ri Jeremías 50:38

Xtipe ri saq'ij y ri raqen taq ya' kan xkechaqi'j-qa, roma ri Babilonia jun ruwach'ulew ri nojineq rik'in wachibel y roma nikiya' kiq'ij ri itzel taq wachibel ri', ri winaqi' kan yech'ujer.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 10:6

Jajun ri ruwachibel ri alaj achij wákix xtuk'uex-el pan Asiria. Kan xtok k'a jun sipanik chire ri nimalej rey, keri' ri winaqi' aj-Israel xa xkek'ixbitej k'a. Rije' xa xkek'ixbitej roma ri wachibel ri kibanon.

Ez 23:20

Kan janila k'a xuben kik'in ri aj-Egipto ri ye'ajowan richin y ri rayibel ri k'o kik'in ri achi'a' ri' xa kan achi'el rurayibel ri bur. Y ri achi'el ya' ri richin ye'alk'ualan kan achi'el kichin ri kiej.

Ez 23:16

Ri Oholibá kan xaxe xerutz'et re wachibel re', kan xbe ránima chikij y roma ri' xeruteq taqonela' kik'in ri winaqi' aj-Babilonia richin xeroyoj ri achi'a' aj chiri'.

Ez 23:12

Rija' chuqa' kan janila k'a xerajo' ri aj-Asiria y kan xken chikij ri e aj-raqen y ri e q'atoy taq tzij, roma rije' e jebel ok, kan jebel taq tzieq e kikusalon y kan yech'oke' chirij kiej.

Ez 23:9

Roma ri' kan xinjech pa kiq'a' ri winaqi' aj-Asiria, ri ye'ajowan richin, ri kan janila niken chikij.

Ez 23:7

Ri Oholá xmakun y xuchop k'a itzel k'aslen kik'in ri achi'a' ri' y xbe ruk'u'x kik'in ri wachibel y kan xuya' kiq'ij. Y keri' xuben chi xok man ch'ajch'oj ta.

Ez 16:37

Roma ri', xkenmol k'a konojel ri ye'ajowan awichin, ri xaben chike richin chi xemakun awik'in. Kan xkenmol k'a pe ri akuchi e peteneq-wi, richin chi xtinwelesaj k'a ri atziaq chikiwech y keri' xtikitz'et chi at ch'anel.

1 Rey 21:26

Ri Acab kan janila k'a itzel ri rubanobal chuwech ri Jehová, roma kan xuya' kiq'ij ri kiwachibel ri ch'aqa' chik dios, achi'el xkiben konojel ri winaqi' amorreo, ri xe'elesex-el chikiwech ri israelita roma ri Jehová.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

1 Rey 15:26

Ri Nadab xmakun k'a chuwech ri Jehová y xuben achi'el xuben ri Jeroboam ri rutata', y rik'in ri mak ri' xuben richin xemakun konojel aj-Israel.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 14:9

Jak'a rat, xa kan janila k'a itzel ri abanalon-pe chikiwech konojel janipe' ri xeq'ax yan el chupan ri ajawaren. Rat xaya' kan awij chinuwech, y roma ri' xayek janila woyowal. Kan xe'abanala-qa kiwachibel ch'aqa' chik dios ri e banon rik'in q'eqapueq ri ya'erisan pa q'aq'.

Ez 23:4

Ri nimalaxel rubini'an Oholá,*f6* y re' nuk'exewachuj ri tinamit Samaria. Y ri chaq'laxel rubini'an Oholibá,*f7* y re' nuk'exewachuj ri tinamit Jerusalem. Rije' e achi'el xa ta e wixjayil y xekalaj numi'al-nuk'ajol.