Ez 23:48 - Kaqchiquel Bible

⁴⁸ Keri' k'a xtinben richin xtik'is ri itzel rutzijol ri eleneq chiwij, richin keri' ri ch'aqa' chik ruwach'ulew xtiketamaj chi man ruk'amon ta ri xiben y keri' man xtikiben ta ri mak ri achi'el ri xiben rix.

Ez 23:48 ပူးပေါင်းရင်းမြစ်များ

2 Pedro 2:6

Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

Ez 23:27

Y rik'in k'a ri' yatane' chubanik ri itzel abanobal y xtamestaj ri itzel ak'aslen ri xatikeriba' rubanik chiri' pan Egipto. Richin keri' kan man jun bey chik xtarayij ri banobel ri' y man jun bey chik xke'oqaqa chi'ak'u'x.

Ez 16:41

Xtikiporoj kan ri awachoch y xtikiq'et-tzij pan awi'. Y re' kan chikiwech ch'aqa' chik tinamit xtibanatej-wi. Y keri' xtinben chawe richin xtaya' kan ri itzel k'aslen y man chik xke'atoj ta ri ye'ajowan awichin.

Ez 6:6

Y xabakuchi k'a xkek'oje-wi chire ri ruwach'ulew, xa kan xkenwulaj ri kitinamit. Chuqa' kan xtink'is ri akuchi niya-wi kiq'ij ri wachibel, ri porobel y konojel ri wachibel. Keri', xkek'is ri e kibanon-qa rije'.

Wuj Richin ri Sofonías 1:3

Xkenk'is k'a el konojel winaqi' y ri jalajoj kiwech chikopi' ri e richin pa k'echelaj; xkenmes-el ri aj-xik' taq chikopi' y konojel ri ek'o chupan ri palou. Kan xkenmes k'a el chuwech ri ruwach'ulew konojel winaqi' ri e banoy etzelal. Yin Jehová ri yibin.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Ez 22:15

Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Wuj Richin ri Isaías 26:9

Rik'in ronojel qánima niqarayibej yojch'on awik'in ri chi'aq'a'; chuqa' ri nimaq'a' yan niqajo' chi nijunamatej-qawech awik'in. Toq rat xkaq'aton-tzij pa ruwi' ri ruwach'ulew, k'a jari' toq roj xtiqetamaj chi rat kan pa ruchojmilal-wi ri yaq'aton-tzij.

Deut 13:11

Richin keri' chijun tinamit Israel xtikak'axaj y xtik'oje' xibinri'il kik'in, richin man jun chik tibanon jun etzelal keri'.

Ez 23:47

Konojel ri winaqi' richin chijun ri ruwach'ulew xkixkikamisaj chi abej y kan xkixk'ajix chi espada. Chuqa' kan xkekikamisaj ri iwal alaboni' y xtani' y xtiporox kan ri iwachoch.

Ez 23:49

Y rix kan xtik'ul k'a ri rutojbalil imak roma xe'itzeqelibej ch'aqa' chik ruwach'ulew y roma xiya' kiq'ij ri ki-dios. Y k'ari' xtiwetamaj chi ja yin Jehová ri ink'o pa ruwi' ronojel, xcha'.

Deut 13:12

Wi xtiwak'axaj ta chi chi'ikojol rix chupan jun chike ri tinamit ri xtuya' ri Jehová ri qa-Dios chiwe richin yixk'ase' chupan,