Ez 23:45 - Kaqchiquel Bible

⁴⁵ Roma ri' ri achi'a' ri choj kik'aslen, ja rije' ri xkeq'aton-tzij pan iwi' achi'el ri ruchojmilal ri ya'on pa kiwi' ri ixoqi' ri itzel kik'aslen y pa kiwi' kamisanela', roma qitzij na wi chi rix ix ixoqi' ri itzel ik'aslen y ix kamisanela'.

Ez 23:45 ပူးပေါင်းရင်းမြစ်များ

Os 6:5

Roma ri' yin kan nuq'alajirisan chik chiwech ri xtinbenbana' iwik'in koma ri q'alajirisanela' richin ri nuch'abel. Rik'in k'a ri nuch'abel xixink'is-el, ri ruchojmilal ri ninben yin kan niq'alajin k'a achi'el ri saqil.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

Wuj Richin ri Jeremías 5:14

Roma ri' kere' nubij ri Jehová ri Dios k'iytisanel richin ronojel: Roma xkibij re ch'abel re', yin ninbenbana' chawe Jeremías chi rat xkatok achi'el jun q'aq' y ri tinamit xtok achi'el si'. Y toq rat yach'on, ri q'aq' kan xkeruk'is.

Wuj Richin ri Chojmirisabelri'il 21:9

Y chike ri e sacerdote tabij, chi wi k'o ta jun chike rije', ri k'o ta jun rumi'al ri niqasex ta ruq'ij y nuchop ta itzel k'aslen, ri' kan nuqasaj-ruq'ij ri rutata', y ri ixoq ri' kan xtiporox.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.

Ez 23:24

Xkepe k'a rik'in kikamisabal, ki-carruaje y kan janila chi winaqi' rik'in kitobal ruwa-kik'u'x y rutobal-kijolon. Kan xkatinjech k'a pa kiq'a' richin xtikiq'et-tzij pan awi' achi'el nubij ri kipixa' rije'.

Ez 23:44

Roma ri' ri winaqi' richin ch'aqa' chik ruwach'ulew kan yepe kik'in ri Oholá y ri Oholibá, kan achi'el nikiben ri achi'a' toq ye'apon kik'in ri ixoqi' ri itzel kik'aslen.

Os 2:2

Ri Jehová xubij chik chuwe: ¡Kan tisujuj k'a ri Israel rik'in ri itzel rubanobal! Roma rija' xa man wixjayil ta chik y yin xa man in rachijil ta chik. Tik'utuj utzil chire chi titane' chire ri itzel taq rubanobal, chi kerumestaj jumul ri achi'a' ri ye'ajowan richin.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin ri K'uxla'anik 4:14

Ri e sacerdote xa xemaqmo'x k'a pa taq bey. Y ri e q'alajirisanela' ri xa man qitzij ta ri nikibij, xa xebiyin achi'el nikiben ri moyi'. Xe'ok man e ch'ajch'oj ta roma ri kik'. Y roma ri' man jun chik xajowan xjel-apo kik'in.

Ez 24:7

Y ri kamisanela' kan xaxe nikiben ri kamik y kan man nikich'ob ta juba' yekewaj kan, achi'el toq nikamisex jun chikop pa ruwi' jun abej ri kan nibiyin kan rukik'el y man nikamisex ta pan ulew richin nimuq ta kan juba' ri kik'.