Ez 23:44 - Kaqchiquel Bible

⁴⁴ Roma ri' ri winaqi' richin ch'aqa' chik ruwach'ulew kan yepe kik'in ri Oholá y ri Oholibá, kan achi'el nikiben ri achi'a' toq ye'apon kik'in ri ixoqi' ri itzel kik'aslen.

Ez 23:44 ပူးပေါင်းရင်းမြစ်များ

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Ez 23:4

Ri nimalaxel rubini'an Oholá,*f6* y re' nuk'exewachuj ri tinamit Samaria. Y ri chaq'laxel rubini'an Oholibá,*f7* y re' nuk'exewachuj ri tinamit Jerusalem. Rije' e achi'el xa ta e wixjayil y xekalaj numi'al-nuk'ajol.

Ez 23:43

Toq xixkos yan kik'in re achi'a' re', yin xixinjech pa kiq'a' richin nikiben chiwe achi'el jun ixoq itzel ruk'aslen, roma rix xa ix achi'el ixoqi' ri itzel kik'aslen.

Ez 23:45

Roma ri' ri achi'a' ri choj kik'aslen, ja rije' ri xkeq'aton-tzij pan iwi' achi'el ri ruchojmilal ri ya'on pa kiwi' ri ixoqi' ri itzel kik'aslen y pa kiwi' kamisanela', roma qitzij na wi chi rix ix ixoqi' ri itzel ik'aslen y ix kamisanela'.

Wuj Richin ri Jeremías 3:8

Y rije' xkitz'et chi ri tinamit Israel man xkijech ta ki' xaxe chuwe yin, xa xkiya' kiq'ij ch'aqa' chik dios. Roma ri' yin kan xinjech-wi' kik'in y kan xinya' jun wuj chike richin ri qach'arojri'il. Jak'a ri itzel rach'alal Judá xa man xkixibij ta ki' xa kan keri' chuqa' xkiben rije'.