Ez 23:40 - Kaqchiquel Bible

⁴⁰ Y rix ix achi'el jun ixoq itzel ruk'aslen y xiteq rutzijol richin xebek'amer-pe achi'a' ri ek'o nej richin chi ye'oqaqa iwik'in. Rokik ye'oqaqa rije', rix xixatin y xiyala' aq'om chuchi' runaq' taq iwech y kan jebel xiwiq-iwi'.

Ez 23:40 ပူးပေါင်းရင်းမြစ်များ

2 Rey 9:30

Y toq xapon ri Jehú pa tinamit Jezreel, jari' toq ri Jezabel xrak'axaj, y xuyala-el aq'om chi runaq'-ruwech y xuben-el ruchojmil jebel ri rusumal-ruwi'. K'ari' xtzu'un-pe pa jun ventana.

Ester 2:12

Ri xtani' k'o chi jun juna' ri niya'ox jubulej taq aq'om chikij richin chi ye'apon chuwech ri rey. Nik'aj juna' niya'ox chirij ri kich'akul jun aq'om rubini'an óleo richin mirra, y ri nik'aj-juna' chik nikikusaj ch'aqa' chik jubulej taq aq'om achi'el aceite rubanik. Y toq xtz'aqet ri jun juna', jari' toq xkichop chikijujunal ri xtani' yebe rik'in ri rey.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.

Wuj Richin Etamabel-Tzij 7:10

Jari' toq ri ixoq ri' xbek'ulun-pe chuwech ri ala', ruwiqon-ri' achi'el jun ixoq itzel ruk'aslen, y kan nowineq chubanik.

Wuj Richin ri Isaías 57:9

Rix kan xiya-el aceite y jebelej aq'om chiwij, y k'ari' xixbe rik'in ri dios Mélec richin xiya' ruq'ij. Xe'iteq-el nej ri itaqonela' richin nikikanoj pixabanik; y jujun chike rije' xe'apon k'a akuchi e muqun-wi ri kaminaqi'.

Wuj Richin ri Jeremías 4:30

Y rix ri yixk'is yan, ¿achike k'a xtiben? Stape' niwiq-iwi' rik'in keq tzieq y niwiq-iwi' rik'in wiqobel ri banon rik'in q'anapueq, stape' chuqa' niya' aq'om chuchi' runaq' taq iwech, xa man jun nuq'ajuj ri keri' niben. Ri ye'ajowan iwichin xa man xkixkajo' ta chik; ri nikajo' rije' ja ri nikelesaj ik'aslen.

Ez 23:13

Y xintz'et k'a chi chuqa' rija' xok man ch'ajch'oj ta, achi'el ri runimal.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

1 Pedro 3:3

Ri niwiq iwi' man ta xa ja ri niq'alajin achi'el ri wiqobel ri e banon rik'in q'anapueq, ri jebelej taq tzieq, y ri ruchojmirisaxik ri rusumal taq iwi'.

Wuj Richin ri Rut 3:3

Wakami k'a tabana' ri ninbij chawe yin: Katatin-el, taya-el jubulej taq aq'om chawij y takusaj-el ri más jebel atziaq; k'ari' kabiyin akuchi k'o-wi rija'. Xaxe man tak'ut-awi' chuwech toq k'a man jani tiwa' y tuk'ya'.