Ez 23:39 - Kaqchiquel Bible

³⁹ Y chupan k'a ri q'ij ri' toq xekisuj ri taq kal richin jun kamelabel richin nikiya' kiq'ij ri wachibel, jak'a chuqa' q'ij ri' xe'apon chupan ri wachoch y xkiben k'a chire chi man jun rejqalen.

Ez 23:39 ပူးပေါင်းရင်းမြစ်များ

2 Rey 21:4

Keri' chuqa' ri chiri' pa rachoch ri Jehová, xeruben-q'anej porobel kichin ch'aqa' chik dios y chuqa' kichin ri ek'o chuwech ri kaj. Y re' xeruben chupan ri ka'i' ruwa-jay richin rachoch ri Jehová, stape' kan xaxe ri Jehová ri k'o chi niya'ox ruq'ij ri chiri'.

Ez 44:7

Rix niben chire ri wachoch chi maneq rejqalen. Chuqa' niya' q'ij chike ri man e iwinaq ta richin ye'ok-apo chupan ri wachoch, winaqi' ri maneq ketal richin ri nujikibel-tzij ri nubanon iwik'in y ni ta k'o ketal pa taq kánima richin niq'alajin chi e wichin yin. Xiben chire chi maneq rejqalen ri wachoch, roma xisuj q'en y kik' kichin ri kamelabel chiri'. Chuqa' xixolq'otij ruwi' ri nujikibel-tzij ri nubanon iwik'in, roma xiben itzel taq banobel ri kan man utz ta nintz'et yin.

Wuj Richin ri Jeremías 23:11

Jak'a ri Jehová xubij chuwe: Konojel ri nikibananej chi e q'alajirisey nuch'abel kan e itzel taq winaqi' y keri' chuqa' ri e sacerdote y roma ri' kan chupan re wachoch xenwil-wi chubanik etzelal.

San Juan 18:28

Nimaq'a' yan xkelesaj-el ri Jesús ri chiri' pa rachoch ri Caifás, richin chi nibejach pa ruq'a' ri Pilato ri k'o chiri' pa jay richin q'atbel-tzij. Jak'a ri e uk'uayon-apo richin ri Jesús man k'a xe'ok ta apo ri pa jay, roma chike rije' xa xajan y man xkajo' ta ye'ok man e ch'ajch'oj ta. Roma wi man e ch'ajch'oj ta man yetikir ta nikinimaq'ijuj ri Solbelri'il.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Ez 23:38

Chuqa' xkiben chire ri wachoch chi xok man ch'ajch'oj ta y man xkiya' ta rejqalen ri q'ij richin uxlanen.

Wuj Richin ri Jeremías 11:15

Chuqa' xubij chi kere' tinbij chike ri nuwinaq: Rix ri ix wichin yin y ri kan janila yixinwajo', kan man jun iq'a' richin ixk'o wawe' pa wachoch roma xa janila etzelal ibanalon. Ri sipanik ri ye'isuj man yixruto' ta chupan ri rutojbalil.

Wuj Richin ri Isaías 3:9

Chuqa' ri kipalej nuk'ut chi man utz ta kibanobal. Achi'el ri winaqi' aj-Sodoma kan xkiq'alajirisaj ri kimak, keri' chuqa' xkiben ri aj-Jerusalem. ¡Toq'ex kiwech ri nuwinaq israelita, roma kiyon rije' xkikanoj ri itzel pa kiwi'!

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Ez 20:39

Jak'a rix israelita ke'isamajij ri i-dios, y pa ruk'isibel chire ronojel, xkiniwak'axaj k'a yin. Y chupan ri q'ij ri' man chaq xtiyoq' ri nubi' rik'in ri isipanik chuwech ri wachibel ri niya' kiq'ij.

Ez 22:8

Man niya' ta k'a rejqalen ronojel ri e ch'aron chuwe yin y chuqa' kan man iya'on ta rejqalen ri q'ij richin uxlanen.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.