Ez 23:34 - Kaqchiquel Bible

³⁴ Xtaqum k'a ronojel ri k'o chupan ri qumbel y kan xtaq'axaj k'a ri ruk'ayewal. K'ari' xtapaxij, y rik'in ri' xtasok ruwa-ak'u'x. Yin Jehová ri yibin.

Ez 23:34 ပူးပေါင်းရင်းမြစ်များ

Wuj Richin Bix Chire ri Dios 75:8

Ri ruchojmilal ri' achi'el jun qumbel nojineq chi vino ri janila ruchuq'a'. Re ruchojmilal re' kan xtutix k'a pe rija', y ri winaqi' ri maneq Dios chikiwech, kan xtikiqum k'a ronojel, y man jun chik k'a tz'uj xtik'oje' kan.

Wuj Richin Bix Chire ri Dios 75:9

Jak'a yin kan jantape' xtintaluj rutzijol ri rubanobal ri nu-Dios, xtinbixaj k'a rubi' ri ru-Dios ri Jacob.

Wuj Richin ri Isaías 51:17

Kixyakatej, kixyakatej rix aj-Jerusalem, ri itijon poqon roma royowal ri Jehová. Rix janila ruk'ayewal ik'owisan, ri kan man yixtikir ta yixpa'e', achi'el nuben jun wineq ri janila k'iy vino ruqumun.

Ez 22:14

¿Xkixtikir kami xtipaba-iwi' chinuwech toq yin xkiyakatej chiwij? Yin Jehová ri yibin y kan xtinben k'a ri ninbij.

Ez 23:3

Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.