Ez 23:3 - Kaqchiquel Bible

³ Ri e ka'i' ixoqi' re' kan k'a toq e xtani' na xkichop itzel k'aslen ri chiri' pan Egipto. Rije' xkiya' k'a q'ij richin xmal ri ruwa-kik'u'x y chiri' xqasex kiq'ij y xban chike chi man e xtani' ta chik.

Ez 23:3 ပူးပေါင်းရင်းမြစ်များ

Wuj Richin ri Jeremías 3:9

Ri tinamit Israel kan man xkich'ob ta ri xkiben y xkitz'ilobisaj ri kiruwach'ulew. Y rije' xa xekitzeqelibej ch'aqa' chik dios achi'el nuben jun ixoq itzel ruk'aslen yerutzeqelibej ch'aqa' chik achi'a' y xkiya' kiq'ij ri abej y ri che' ri janila kixaq.

Ez 16:15

Jak'a roma kan at jebejoj ok y eleneq atzijol, kan xakuquba' ak'u'x rik'in ri' y xachop rubanik itzel k'aslen y kan xajech-awi' chike konojel ri xeq'ax-el chi'anaqaj.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ez 20:8

Jak'a rije' xa xeyakatej chuwij y man xkinimaj ta nutzij. Chikijujunal k'a rije' xa man xkiya' ta kan ri itzel taq kibanobal xa xekiya' kiq'ij ri wachibel kichin ri winaqi' aj chiri'. Roma ri' xinbij k'a chike chi kan xtinwelesaj ronojel woyowal chikij chiri' pan Egipto.

Ez 23:19

Ri Oholibá kan más xuk'ayij ri' chubanik itzel k'aslen, xoqaqa k'a chuk'u'x ri xuben toq k'a xten na toq xk'oje' chiri' pan Egipto toq xuchop itzel k'aslen.

Ez 23:21

Y keri' ri Oholibá xa kan noqaqa chuk'u'x ri xerubanala' ojer kan chiri' pan Egipto toq k'a xten na y nikichapala' ri ruwa-ruk'u'x.

Ez 23:34

Xtaqum k'a ronojel ri k'o chupan ri qumbel y kan xtaq'axaj k'a ri ruk'ayewal. K'ari' xtapaxij, y rik'in ri' xtasok ruwa-ak'u'x. Yin Jehová ri yibin.

Ez 23:4

Ri nimalaxel rubini'an Oholá,*f6* y re' nuk'exewachuj ri tinamit Samaria. Y ri chaq'laxel rubini'an Oholibá,*f7* y re' nuk'exewachuj ri tinamit Jerusalem. Rije' e achi'el xa ta e wixjayil y xekalaj numi'al-nuk'ajol.

Ez 23:43

Toq xixkos yan kik'in re achi'a' re', yin xixinjech pa kiq'a' richin nikiben chiwe achi'el jun ixoq itzel ruk'aslen, roma rix xa ix achi'el ixoqi' ri itzel kik'aslen.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Deut 29:16

Rix iwetaman jebel ri achike chi k'aslen ri xqaq'axaj-pe pan Egipto, ri xqaben toq xojq'ax chikikojol ri nima'q taq ruwach'ulew y ri achike xqak'uluwachij pa taq bey.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.