Ez 23:24 - Kaqchiquel Bible

²⁴ Xkepe k'a rik'in kikamisabal, ki-carruaje y kan janila chi winaqi' rik'in kitobal ruwa-kik'u'x y rutobal-kijolon. Kan xkatinjech k'a pa kiq'a' richin xtikiq'et-tzij pan awi' achi'el nubij ri kipixa' rije'.

Ez 23:24 ပူးပေါင်းရင်းမြစ်များ

Ez 26:10

Kan janila k'a k'iy kiej xkeruk'en-pe y kan xtiq'equmatej ri tinamit rik'in ri poqolaj ri xtikiyek ri kiej ri'. Y toq xke'ok-apo chupan ri ruchi' ri tinamit, ri tz'aq kan xkesilon k'a roma ri kich'abel ri e k'iy carruaje y roma kaqen ri e k'iy kiej. Rije' kan xke'ok k'a apo chupan ri tinamit achi'el toq ye'ok chupan jun tinamit ri xa ch'akon chik.

Ez 23:45

Roma ri' ri achi'a' ri choj kik'aslen, ja rije' ri xkeq'aton-tzij pan iwi' achi'el ri ruchojmilal ri ya'on pa kiwi' ri ixoqi' ri itzel kik'aslen y pa kiwi' kamisanela', roma qitzij na wi chi rix ix ixoqi' ri itzel ik'aslen y ix kamisanela'.

Ez 16:38

Kan xtinq'et k'a tzij pan awi', achi'el niq'at-tzij pa ruwi' jun wineq kamisanel y jun ixoq itzel ruk'aslen. Y rik'in k'a janila woyowal xkatinjech pa kamik.

Wuj Richin ri Jeremías 47:3

Kan xtik'en janila kikiy toq xtiwak'axaj ri kitabek ri kiej, ri kich'abel ri carruaje y chuqa' toq yeqitz'iqot ri ki-rueda. Jari' toq rix te'ej-tata'aj xke'imalij kan ri iwalk'ual roma xtik'is ri iwuchuq'a'.

2 Sam 24:14

K'ari' ri David xubij chire: Wakami xik'oje' pa latz'. Xa kan más k'a utz chi yojqaqa pa ruq'a' ri Jehová, roma rija' kan joyowanel-wi, ke chuwech yojqaqa pa kiq'a' ri e yakatajineq chiqij, xcha'.

Ez 21:23

Jak'a ri winaqi' ri ek'o chupan ri tinamit man xtikinimaj ta, roma rije' xjunamatej-kiwech roma kibanon jun jikibel-tzij kik'in ri aj-Babilonia. Jak'a ri rey nunataj chike ri kimak ri kibanon y chirij ri' k'ari' xke'uk'uex-el.

Ez 26:7

Roma ri' kere' ninbij yin: Xtink'en k'a pe jun rey chiwij rix aj-Tiro y rija' ik'owineq chik ruwi' ri uchuq'a' ri k'o rik'in chikiwech ri ch'aqa' chik rey. Rija' xtipe kere' pa xaman y rubini'an Nabucodonosor, rey pa ruwi' ri ruwach'ulew Babilonia. Y rik'in rija' xkepe aj-labal, achi'a' yech'oke' chirij kiej y carruaje richin oyowal.

Wuj Richin ri Jeremías 52:9

Jak'a ri aj-Babilonia xkichop kan ri rey Sedequías y xkik'uaj-el chuwech ri rey richin Babilonia chiri' pa tinamit Riblá ri k'o pa ruwach'ulew Hamat. Y chiri', ri Nabucodonosor xubij achike niban rik'in rija'.

Wuj Richin ri Jeremías 52:11

Y chirij ri' ri Sedequías xelesex ri runaq' taq ruwech y xkixim rik'in cadena banon rik'in q'enq'oj-pueq, richin nuk'uex k'a pa Babilonia, ri akuchi xk'oje-wi pa cárcel k'a toq xken na.