Ez 23:14 - Kaqchiquel Bible

¹⁴ Jak'a re chaq'laxel re' xa kan xik'o chik ruwi' ri itzel ruk'aslen chuwech ri Samaria. Xerutz'et kiwachibel achi'a' aj-Babilonia ri e banon chuwech tz'aq, ri keq yetzu'un.

Ez 23:14 ပူးပေါင်းရင်းမြစ်များ

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Wuj Richin ri Jeremías 22:14

Y ri rey ri' nubij: Kan xtinpaba-q'anej wachoch ri kan jebel nim y xtinpaba-q'anej jay nima'q pa rukaj wiq. Chuqa' xtinya' ki-ventana y kan jebel tiox-che' ninya' chirij. Y ri tz'aq kichin ri jay ri' xkenwaq'omaj rik'in keq, ncha'.

Ez 16:29

Roma ri' kan xajech chik awi' chupan itzel k'aslen kik'in ri aj-Babilonia, stape' rije' xa e jun ruwach'ulew kichin k'ayinela'. Y man rik'in ri' man ak'owisan ta ak'u'x.

Wuj Richin ri Jeremías 50:2

Tiya' k'a rutzijol chikikojol ri tzobaj winaqi' richin re ruwach'ulew y tibana' chike chi nikak'axaj; tiyaka-q'anej ri tzieq ri ruk'exewach ri iruwach'ulew y man jun tiwewaj y tibij: Rix aj-Babilonia xixch'akatej y ri i-dios Bel k'ixbitajineq, ri i-dios Marduc xwulex kan. Ri e etzelanel iwichin xkekiyojobej ri ch'aqa' chik wachibel y xkewulex kan.

Wuj Richin ri Isaías 46:1

Kere' xtibanatej-apo toq ri dios Bel xa xtik'is ruchuq'a', y ri dios Nebo xa kan xtiqaqa k'a pan ulew. Ri wachibel xa ye'uk'uex-el chirij kiej, xa kan al nuben chike ri chikopi' ri ye'uk'uan kichin; ri chikopi' ri' kan janila yekos.

Ez 23:13

Y xintz'et k'a chi chuqa' rija' xok man ch'ajch'oj ta, achi'el ri runimal.

Ez 23:15

K'o ximibel-kipan, kuchubel-kijolon retal ri kisamaj, konojel rije' yetzu'un achi'el xa ta e q'atbel taq tzij richin Babilonia.

Ez 23:23

Xkepe k'a chawij ri aj-Babilonia ri ek'o pa ruwach'ulew Pecod, ri Soa y ri Coa junan kik'in ri aj-Asiria. Konojel rije' e aj-raqen, e q'atoy taq tzij, e tata'al pa kiwi' ri aj-labal, alaboni' ri e jebel ok y yech'oke' chirij kiej.

Wuj Richin ri Nahum 2:3

Ri kitobal ri aj-labal keq nitzu'un, keri' chuqa' ri kitziaq. Ri aj-labal kichojmirisan chik ki', ri ki-carruaje kan e achi'el q'aq'. Ri kiej kan nikajo' yan yebe pa labal.