Ez 22:6 - Kaqchiquel Bible

⁶ Konojel k'a ri tata'al ri ek'o chiri' nikikusaj ri kuchuq'a' richin nikiben kamik,

Ez 22:6 ပူးပေါင်းရင်းမြစ်များ

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin ri Zacarías 3:3

Y ri Josué rukusan jun tzieq tz'il-tz'il.

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Dn 9:8

Wajaw yin, kan qitzij chi roj kan oj k'ixbitajineq-wi, keri' chuqa' ri qa-rey, ri e tata'al y ri qate-qatata', y re' kan roma k'a oj makuwineq chawech.

Wuj Richin ri Jeremías 32:32

roma ronojel ri itzel taq kibanobal, ri e rey richin Israel y ri e richin ri Judá, ri ki-sacerdote, ri e q'alajirisey nuch'abel y konojel ri winaqi' kan xkiyek k'a janila woyowal.

Wuj Richin ri Jeremías 5:5

Wakami k'a yibe kik'in ri nima'q taq winaqi' richin yibech'on kik'in, roma rije' kan ketaman ri rubey ri Jehová, ri ruchojmilal richin ri Dios. Jak'a rije' chuqa' xa xkiq'ej ri rutzij ri Jehová y man xkinimaj ta rutzij.

Wuj Richin ri Nehemías 9:34

Ri qa-rey, ri e qatata'al, ri e qa-sacerdote y ri qate-qatata' man xkinimaj ta ri apixa', ni man xkak'axaj ta ri ruchojmilal.

Ez 21:12

Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.

Wuj Richin Etamabel-Tzij 30:14

Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan; y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Ez 45:8

Re jun ulew re' xtok kichin ri e tata'al ri ek'o pa kiwi' ri iwinaq israelita, richin keri' man jun bey chik xkekiya' pa tijoj-poqonal ri nutinamit. Richin keri' man xkekichapala' ta ulew ri xtijach chikiwech richin nok kichin chikijujunal ri tzobaj.

Wuj Richin ri Sofonías 3:3

Ri e aj-raqen ri ek'o pan itinamit Jerusalem e achi'el koj ri yewuyin. Ri to'onela' kan e achi'el utiwa'. Rije' xaxe chi'aq'a' yebiyaj richin nikikanoj kiway. Y toq niseqer-pe ri jun chik q'ij, man jun chik k'o kik'in.

Wuj Richin ri Sofonías 3:4

Ri e q'alajirisey nuch'abel xa xkinimirisaj-q'anej-ki', y xa yekiq'ol ri winaqi'. Ri e sacerdote xkiqasaj ruq'ij ri wachoch. y kan xkiq'ej ruwi' ri nupixa', ja yin Jehová ri yibin.