Ez 22:29 - Kaqchiquel Bible

²⁹ Y rix winaqi' xa niwelesaj beyomel chuwi-kiq'a' ri xa kichin ch'aqa' chik, chuqa' ichapon rubanik eleq', ye'iya' pa tijoj-poqonal ri man jun k'o kik'in y ri man e iwinaq ta. Y man niben ta pa ruchojmilal, kacha' chike.

Ez 22:29 ပူးပေါင်းရင်းမြစ်များ

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin Bix Chire ri Dios 94:6

Kan yekikamisaj k'a ri malkani' y ri winaqi' man e qawinaq ta. Yekikamisaj k'a chuqa' ri meba'i' roma kan man yetikir ta nikito-ki'.

Wuj Richin ri Chojmirisabelri'il 19:33

Man k'a ke'iwetzelaj ri man e iwinaq ta ri ek'o chi'ikojol.

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Wuj Richin ri Isaías 10:2

Y ri pixa' ri' xa nubij chiwe chi man nitz'aqet ta ri k'o chi niya' chike ri man jun k'o kik'in. Nubij chuqa' chi man k'atzinel ta niya'ox ri ruchojmilal chike ri e poqonatajineq. Ri pixa' ri' nubij chiwe chi man niya' ta kejqalen ri malkani', y chi nuya' q'ij chi k'o niweleq'aj kik'in ri taq meba'i'.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

San Mateo 25:43

Roma yin xk'atzin akuchi ta xik'oje-wi, y man xiya' ta chuwe. Toq man xk'oje' ta nutziaq chuwij, man xinikuch ta. Toq xiqaqa pa ruq'a' yabil, rix man k'a xinibetz'eta' ta. Toq xik'oje' pa cárcel, man xixapon ta chinuq'ejeloxik, xkixcha' chike.

Wuj Richin ri Miqueas 3:3

K'ari' niq'ej ri kibaqil, y niya' pa jun bojo'y. Y pa ruk'isibel, ye'itej.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.