Ez 22:27 - Kaqchiquel Bible

²⁷ Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Ez 22:27 ပူးပေါင်းရင်းမြစ်များ

Ez 22:13

Yin kan xtintzeqej k'a ri nuq'a' chiwij roma ronojel ri ich'akon y xa man qitzij ta y roma chuqa' ri kamisanik ri ibanalon.

Ez 22:6

Konojel k'a ri tata'al ri ek'o chiri' nikikusaj ri kuchuq'a' richin nikiben kamik,

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

San Mateo 21:13

Jari' toq ri Jesús xubij k'a chike ri winaqi' ri': Chupan ri ruch'abel ri Dios ri tz'ibatel kan,*f30* nubij chi ri wachoch kan xtubini'aj: Jay richin molojri'il. Jak'a rix xa achi'el kijul eleq'oma' ibanon chire, xcha' chike.

Wuj Richin ri Sofonías 3:3

Ri e aj-raqen ri ek'o pan itinamit Jerusalem e achi'el koj ri yewuyin. Ri to'onela' kan e achi'el utiwa'. Rije' xaxe chi'aq'a' yebiyaj richin nikikanoj kiway. Y toq niseqer-pe ri jun chik q'ij, man jun chik k'o kik'in.

Wuj Richin ri Miqueas 7:8

Rix ri ix etzelanel qichin, man kixkikot chiqij, roma stape' xojtzaq, xa kan xqojyakatej chik. Stape' xojk'oje' pa q'equ'm, jak'a ri Jehová jari' ri saqil chiqe roj.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Ez 22:25

Ri yeq'aton-tzij chiri' e achi'el xa ta ri koj ri yewuyin chikij ri winaqi' y kan yekiwech' ri e kichapon. Rije' yekikamisaj ri winaqi' achi'el ri koj yekik'ux ch'aqa' chik chikopi'. Re q'atoy taq tzij re' kan yekik'en k'a kan ronojel ri k'o kik'in. Chuqa' e k'iy k'a ixoqi' ri xemalkanej kan koma rije'.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Hechos 20:29

Roma kan wetaman chi kan xaxe toq man xkipe ta chik yin, kan jari' k'a xke'oqaqa kan winaqi' ri achi'el kibanik utiwa'. Roma ri utiwa', kan xaxe ri ye'ok chikikojol ri karne'l, yekitej y yekik'is.

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri Jeremías 34:19

Ri e aj-raqen pan iwi', ri yesamej rik'in ri rey, ri e sacerdote y rix tinamit ri xixq'ax chukojol ri ka'i' cholaj ri',

Wuj Richin ri Jeremías 41:7

Y toq xe'apon pa tinamit, ri Ismael y ri achi'a' ri e beneq rik'in xekikamisaj y xekiya' pa jun jul.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Ez 34:3

Rix xa kan nikusaj ronojel kichin ri iwinaq, achi'el jun yuq'unel ri nuqum ri leche kichin ri karne'l, rik'in ri rusumal nuben rutziaq y nutej ri ruch'akul ri más jebel. Jak'a xa man yeruchajij ta.

Ez 36:12

Xtinben k'a chi ri nutinamit Israel xtok chik kichin re ruwach'ulew re', richin chi xkek'oje' kan chiri' y xtikichinaj kan. Y man jun bey chik xtinya' q'ij chi xkeken ta roma wayjal ri kalk'ual.

Ez 45:8

Re jun ulew re' xtok kichin ri e tata'al ri ek'o pa kiwi' ri iwinaq israelita, richin keri' man jun bey chik xkekiya' pa tijoj-poqonal ri nutinamit. Richin keri' man xkekichapala' ta ulew ri xtijach chikiwech richin nok kichin chikijujunal ri tzobaj.

Ez 46:18

Chuqa' ri q'atoy-tzij maneq ruq'a' richin numej ta kan ri rulew jun chik wineq. Wi rija' nrajo' nuya' kan kulew ri ralk'ual, k'o chi nuya' kan chike ri kan rulew rija', richin keri' man jun chike ri winaqi' israelita ri man nik'oje' ta kan rulew y chuqa' man nelesex ta el chupan ri rulew, xcha' ri Dios.

Wuj Richin ri Habacuc 2:9

Kan toq'ex awech rat ri yabeyomer rik'in q'oloj, richin chi yabe pa jotol, y nawewaj-awi' chuwech ri ruk'ayewal.

2 Crón 36:14

Chuqa' konojel ri k'o más kiq'ij ri ek'o pa tinamit Judá, ri e sacerdote y konojel winaqi' kan xkinimirisaj ri kimak; xa kan xekitzeqelibej ri banobel ri man niqa' ta chuwech ri Dios. Xkiben achi'el ri yekiben ri ch'aqa' chik ruwach'ulew, y kan xekibanala' k'a ri itzel taq banobel pa rachoch ri Jehová, ri akuchi ruch'aron rija' richin niya'ox ruq'ij chiri' pa Jerusalem.

Wuj Richin Etamabel-Tzij 17:23

Ri itzel q'atoy-tzij, kan yeruk'ul kan ri sipanik ri nikiya' kan ri winaqi' pa ruq'a'; y xa roma ri' toq rija' nujel rubanik ri ruq'atbal-tzij.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Ez 13:19

Ri ixoqi' ri' xkiben kere' xaxe richin xkich'ek jun moq' cebada o xa jun k'ap kaxlan-wey. Rik'in ri kitz'ukun taq tzij kan xekikamisaj ri winaqi' ri xa man ruk'amon ta richin xeken y xekik'asba' kan winaqi' ri xa man ruk'amon ta richin yek'ase'.

Hechos 24:9

Ri winaqi' ri e rachibilan-el ri Tértulo, kan nikibij k'a chi qitzij ri xubij.