Ez 22:26 - Kaqchiquel Bible

²⁶ Ri sacerdote xa xkiq'ej ruwi' ri nupixa' y man xkiya' ta rejqalen ronojel ri kan e ch'aron richin pa nusamaj yin. Man xkiya' ta rukojolil ri utz y ri man utz ta. Chuqa' yekitijoj chi maneq rukojolil ri ch'ajch'oj rik'in ri man ch'ajch'oj ta. Y pa ruwi' ronojel re' man nikiya' ta rejqalen ri q'ij richin uxlanen. Y roma re' kan nuq'alajirisaj chi rije' man nikiya' ta wejqalen.

Ez 22:26 ပူးပေါင်းရင်းမြစ်များ

2 Crón 36:14

Chuqa' konojel ri k'o más kiq'ij ri ek'o pa tinamit Judá, ri e sacerdote y konojel winaqi' kan xkinimirisaj ri kimak; xa kan xekitzeqelibej ri banobel ri man niqa' ta chuwech ri Dios. Xkiben achi'el ri yekiben ri ch'aqa' chik ruwach'ulew, y kan xekibanala' k'a ri itzel taq banobel pa rachoch ri Jehová, ri akuchi ruch'aron rija' richin niya'ox ruq'ij chiri' pa Jerusalem.

Wuj Richin ri Jeremías 15:19

K'ari' ri Jehová xubij chik chuwe: Wi yatzolin-pe wik'in, xkatink'ul chik jun bey y xkatikir chik xkinasamajij. Man chaq ch'owen man ch'owen taben y ri xtabij xaxe ri ch'abel ri kan k'o rejqalen, wi keri' xtaben ja rat ri xkach'on pa nuk'exel. Ja rije' ri k'o chi yetzolin-pe awik'in y man ja ta rat ri k'o chi yatzolin kik'in.

Wuj Richin ri Jeremías 2:8

Ri e sacerdote man xkibij ta: ¿Akuchi k'o-wi ri Jehová? Ri yeya'on pixabanik richin ri tinamit man xkiya' ta chik wejqalen. Ri aj-raqen xa xeyakatej chuwij, ri e q'alajirisey nuch'abel xa xech'on pa rubi' ri Baal y kan xekitzeqelibej dios ri xa man jun kejqalen.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Ez 22:8

Man niya' ta k'a rejqalen ronojel ri e ch'aron chuwe yin y chuqa' kan man iya'on ta rejqalen ri q'ij richin uxlanen.

Ez 23:38

Chuqa' xkiben chire ri wachoch chi xok man ch'ajch'oj ta y man xkiya' ta rejqalen ri q'ij richin uxlanen.

Ez 36:20

Jak'a toq xe'apon pa taq ch'aqa' chik ruwach'ulew, xa xkiben chuwe chi maneq wejqalen y roma ri' ri winaqi' ri ek'o chiri' nikibij chi stape' kan e nuwinaq, k'o chi xe'el-el chiri' pa kiruwach'ulew.

Ez 42:20

Keri' k'a xeretaj ri kaji' kaqen ri tz'aq ri rusutin-rij ri rachoch ri Dios y ri kaqen chikijujunal re tz'aq re' 150 jaj. Y ja tz'aq re' ri rukojol ri ch'aron chire ri Dios y ri akuchi yek'oje-wi ri winaqi'.

Ez 44:10

Ek'o k'a levita ri xkich'er kan ki' wik'in toq ri iwinaq xkijech'ej kan ki' wik'in y xinkimalij kan richin xkiya' kiq'ij wachibel. Y roma ri' xtikejqalej ri kimak.

Ez 44:23

Rik'in ri' nikik'ut chikiwech ri winaqi' ri rukojolil ri k'o rejqalen y ri maneq rejqalen, rukojol ri ch'ajch'oj y ri man ch'ajch'oj ta.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.

Ez 7:26

Ri wululen kan xtipe y chirij ri' kan xtipe chik jun. Xtipe ruk'ayewal y chirij chik ri' xtipe chik jun. Rix xtikanoj jun q'alajirisey nuch'abel, jak'a man jun xtiwil. Chuqa' man xkek'oje' ta chik sacerdote richin yixkitijoj, ni man xkek'oje' ta chik achi'a' ri k'o kiq'ij richin yixkipixabaj.

Wuj Richin ri Chojmirisabelri'il 10:10

Y keri' xtiben richin niya' rukojol ri ch'ajch'oj y ri man ch'ajch'oj ta, y chuqa' ri rukojol ri e ch'aron chuwe yin y ri e choj relik.

Wuj Richin ri Chojmirisabelri'il 11:47

richin niya' rukojolil ri ch'ajch'oj rik'in ri man ch'ajch'oj ta y niya' kikojolil ri chikopi' ri e tijel kik'in ri man e tijel ta.

Wuj Richin ri Chojmirisabelri'il 13:43

K'ari' ri sacerdote nutz'et ri wineq ri'. Y nutzu' k'a ri seq'esik-seq chi xa sipojineq y kaqkoj nitzu'un. Y wi kan junan nitzu'un rik'in ri itzel yabil ri nutaluj-ri' ri nel-pe chirij ri ch'akulaj,

Wuj Richin ri Chojmirisabelri'il 20:25

Roma ri', rix kan xtiya' k'a kikojolil ri chikopi' ri e ch'ajch'oj y ri man e ch'ajch'oj ta: Ri aj-xik' taq chikopi', ri e jepejeq, y ri ch'aqa' chik chikopi' ri nubin chi man e ch'ajch'oj ta. Man tiben chi yin yixinwixowaj roma ye'itej ri chikopi' ri'.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Wuj Richin ri Malaquías 2:8

Jak'a rix ri ix sacerdote xa kan xijech'ej kan iwi' wik'in yin Jehová ri in k'iytisanel richin ronojel, y roma ri' kan e k'iy ri xkixolq'otij kan ri pixa'. Y rik'in ri' kan xiq'ej ruwi' ri nujikibel-tzij ri xinben rik'in ri Leví.

Romanos 2:24

Qitzij k'a ri nubij chupan ri ruch'abel ri Dios,*f3* chi ri winaqi' ri man e qawinaq ta nikiyoq' rubi' ri Dios toq nikitz'et ri itzel taq ibanobal rix.

1 Sam 2:22

Jak'a ri Elí janila ri'j chik y nrak'axaj k'a ronojel ri itzel ri yekibanala' ri ruk'ajol kik'in ri kiwinaq. Chuqa' yek'oje' kik'in ri ixoqi' ri yesamej chiri' chuchi' ri rachoch ri Dios.

1 Sam 2:29

¿Achike k'a roma xiben chire chi maneq rejqalen ri kamelabel y ri sipanik? Y chuqa' aya'on más kejqalen ri ak'ajol chinuwech yin. E tiojirineq janila roma kan nikik'en kan ri k'o más rejqalen chire ri sipanik ri kichin ri nuwinaq.