Ez 22:2 - Kaqchiquel Bible

² Rat Ezequiel, xapon yan ri q'ij richin xtiq'at-tzij pa ruwi' ri Jerusalem, roma jun tinamit ri ruyon kamik e rubanalon. Kan taq'alajirisaj chuwech ronojel rumak ri kan man utz ta nintz'et.

Ez 22:2 ပူးပေါင်းရင်းမြစ်များ

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Wuj Richin ri Jeremías 2:30

Xa man jun xuq'ajuj richin xixinjich'aj, rix y ri iwinaq, roma xa man xik'ul ta ri nupixa'. Roma chaq k'ate' xe'ikamisaj ri e q'alajirisey nuch'abel achi'el nuben ri koj.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Ez 11:6

Rix kan janila k'a kamik ibanalon chupan re tinamit re' y kan e inojisan ri bey kik'in kaminaqi'.

Ez 20:4

Jak'a rat Ezequiel, kan taq'ata' k'a tzij pa kiwi' rije' y taq'alajirisaj chikiwech ri itzel taq kibanobal ri ite-itata'.

Ez 22:1

Chirij re' ri Jehová xch'on chik wik'in y xubij chuwe:

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.

Ez 24:6

Yin Jehová ri yibin. Toq'ex ruwech ri tinamit Jerusalem roma ek'o janila kamisanela' chiri'. Ri tinamit ri' achi'el xa ta jun bojo'y ri banon rik'in q'eqapueq y ruchulun-ri' ri kan man nel ta chik. Y ri winaqi' xke'elesex-el chupan ri Jerusalem achi'el niban rik'in ri ti'ij toq nelesex-el chupan ri bojo'y y ri bojo'y nik'oje' kan keri'.

Ez 24:9

Roma ri' kere' k'a ninbij yin: Toq'ex ruwech ri tinamit kamisanel, roma ri' yin xtinya' k'iy si' chuchi' ri tinamit richin nujin q'aq'.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Wuj Richin ri Nahum 3:1

Toq'ex awech, rat Nínive roma kan at kamisanel. Y kan xaxe tz'ukun-tzij naben. Y at nojineq rik'in q'oloj, y kan man yatane' ta chubanik ri eleq'.

San Mateo 23:35

Y ronojel re' kan xtuben k'a chiwe chi ja rix yixejqalen ri kikamik konojel ri choj kik'aslen: Ri xtiker-pe rik'in ri rukamik ri Abel, k'a rik'in ri rukamik ri Zacarías, ri ruk'ajol ri Berequías; ri xkikamisaj ri iwati't-imama' ri chiri' chunaqaj ri porobel ri k'o pa rachoch ri Dios.

San Mateo 27:25

K'ari' konojel ri winaqi' nikibij: Xa pa qawi' k'a roj y pa kiwi' ri e qami'al-qak'ajol, xtiqaqa-wi ri rukamik, yecha'.

San Lucas 11:50

Ri Dios xuben keri' richin pan iwi' rix ri ixk'o wakami, xtuya-wi ri kikamik konojel rije', nitiker-pe k'a pa rutikeribel re ruwach'ulew.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

1 Timoteo 5:20

Wi k'o ta jun ri man nuya' ta kan richin nimakun, tabij k'a chire chikiwech ri qach'alal chi man utz ta ri najin chubanik, richin keri' ri ch'aqa' chik qach'alal nikixibij-ki' yemakun.