Ez 22:16 - Kaqchiquel Bible

¹⁶ Y toq xtibanatej re', rix kan man jun k'a iwejqalen xtuben chikikojol ch'aqa' chik winaqi', y k'ari' xtiwetamaj chi ja yin Jehová, xcha'.

Ez 22:16 ပူးပေါင်းရင်းမြစ်များ

Ez 6:7

K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Ez 39:28

K'ari' k'a xtiketamaj chi ja yin Jehová ri ki-Dios, stape' yin xenteq-el pa taq ch'aqa' chik ruwach'ulew. Jak'a chupan ri q'ij ri' xkenk'en chik pe y kan man jun xtinya' kan ri juk'an chik ruwach'ulew.

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin ri Isaías 43:28

Roma ri' xtinqasaj kiq'ij ri i-sacerdote, xtinya' q'ij chi ri iwinaq israelita xkeyojobex, y k'ari' xkek'is.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

Ex 8:22

Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'.

Ez 22:17

Ri Jehová xch'on chik jun bey wik'in y xubij chuwe:

Wuj Richin Bix Chire ri Dios 9:17

Ri e banoy taq etzelal xa xke'apon chupan ri jul richin muqbel, ri maneq Dios chikiwech xa chupan k'a ri tojbel-mak xkebe-wi.