Ez 22:15 - Kaqchiquel Bible

¹⁵ Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Ez 22:15 ပူးပေါင်းရင်းမြစ်များ

Wuj Richin ri Nehemías 1:8

Toqaqa k'a chi'ak'u'x ri ach'abel ri abin kan chire ri Moisés, toq xabij: Wi rix man xkininimaj ta, yin kan xkixintaluj-el pa ch'aqa' chik tinamit chuwech ri ruwach'ulew.

Wuj Richin ri Isaías 1:25

K'ari' xkitzolin iwik'in rix; richin xkixinch'ajch'ojirisaj chire ri imak, achi'el toq nich'ajch'ojirisex ri saqipueq. Chuqa' kan xtinwelesaj ronojel ri man ch'ajch'oj ta ri ek'o chi'ikojol.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Ez 22:18

Rat Ezequiel, ninbij k'a chawe chi ri awinaq aj-Judá xa xe'ok achi'el ri tz'il ri nel kan toq niya'erisex ri saqipueq, ri q'enq'oj-pueq, ri estaño, q'eqapueq y ri chajipueq ri yek'oje' kan chupan ri horno.

Ez 22:22

Kan achi'el k'a niya'erisex ri saqipueq pa runik'ajal ri horno, kan keri' xtinben chiwe yin chiri' pa runik'ajal ri tinamit. Richin keri' xtiwetamaj k'a chi ja yin Jehová ri xtinwelesaj woyowal chiwij, xcha'.

Ez 23:27

Y rik'in k'a ri' yatane' chubanik ri itzel abanobal y xtamestaj ri itzel ak'aslen ri xatikeriba' rubanik chiri' pan Egipto. Richin keri' kan man jun bey chik xtarayij ri banobel ri' y man jun bey chik xke'oqaqa chi'ak'u'x.

Ez 34:6

Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Ez 36:19

Y richin xinya' rutojbalil-mak pa kiwi', xentaluj chikiwech tzobaj taq winaqi' richin ch'aqa' chik ruwach'ulew. Y keri' xinq'et-tzij pa kiwi' achi'el ri kibanobal.

Ez 5:10

Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.

Wuj Richin ri Malaquías 3:3

Y rija' kan xtitz'uye' pa rutz'uyubal richin xtuben ri q'atoj-tzij pan iwi' rix sacerdote. Kan xkixruch'ajch'ojirisaj achi'el yech'ajch'ojirisex ri q'anapueq y ri saqipueq toq yeq'axex pa q'aq', richin xtik'en-pe isipanik rik'in chojmilal.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

San Mateo 3:12

Rija' kan xtuben k'a achi'el jun achin toq nujosq'ij ri ru-trigo, ri nukusaj jun pielca*f8* richin nuk'eq chuwa-kaq'iq' ri trigo ch'ayon chik. Ri runaq' ri trigo xtuk'ol richin nuyek kan, jak'a ri páxa xa xtuk'eq kan pa q'aq', jun q'aq' ri man jun bey xtichup, xcha'.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

1 Pedro 4:12

Wach'alal ri yalan yixinwajo', man achike la tina' rix toq ixk'o pa tijoj-poqonal y nina' chi kan achi'el pa q'aq' richin tejtobenik ixk'o-wi.