Ez 21:3 - Kaqchiquel Bible

³ Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Ez 21:3 ပူးပေါင်းရင်းမြစ်များ

Wuj Richin ri Achin Job 9:22

Xa junan k'a nuya', roma ri' yin ninbij: Ri Dios nrelesaj ruk'aslen ri choj y nrelesaj chuqa' ruk'aslen ri aj-mak.

Wuj Richin Bix Chire ri Dios 17:13

¡Jehová, kayakatej! ¡tapaba-awi' chikiwech! Rik'in ri akamisabal kinakolo' chikiwech ri e banoy taq etzelal.

Wuj Richin Bix Chire ri Dios 80:17

Jak'a kan taya' ri awutzil pa qawi' roj, roj ri xojajikiba' rik'in ri awijkiq'a', roma ja rat xatikeriban-q'anej qichin.

Ex 15:9

Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Wuj Richin ri Molojri'il 9:2

Y kan keri' chuqa' konojel: Ri choj ruk'aslen y ri man utz ta ruk'aslen, ri ch'ajch'oj y ri man ch'ajch'oj ta, ri nusuj kamelabel y ri man nusuj ta, ri kan nuben ri nubij y ri man nuben ta.

Wuj Richin ri Isaías 10:5

Ri Jehová nubij: ¡Toq'ex ruwech ri rey richin ri ruwach'ulew Asiria! Roma rija' xtinqej richin xkeruk'is ri winaqi', toq yakatajineq janila woyowal, kan pa ruq'a' rija' ninya-wi ri woyowal.

Wuj Richin ri Isaías 34:5

Chirij ronojel re' ri ru-espada ri Jehová kan xtiqaqa pa ruwi' ri ruwach'ulew Edom, y ri tinamit ri' kan xtik'is jumul.

Wuj Richin ri Isaías 57:1

Ri winaqi' ri kan ronojel nikiben pa ruchojmilal, toq yeken-el, xa man jun niniman chike. Chuqa' yeken ri winaqi' ri janila e utz, jak'a man jun achoq chuwech ta niq'ax-wi chi xelesex-el ruk'aslen richin man nutej ta chik poqon chuwech re ruwach'ulew.

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Wuj Richin ri Jeremías 21:14

Yin kan xtinya' rutojbalil pan iwi' achi'el ri ibanobal. Kan xtinya' ruq'aq'al ri rachoch ri i-rey y ri q'aq' ri' kan xtuk'is ronojel ri ek'o chunaqaj. Yin Jehová ri yibin, xcha'.

Wuj Richin ri Jeremías 50:31

Yin Jehová ri k'o ronojel uchuq'a' wik'in ninbij chi kan in yakatajineq chikij konojel ri kinimirisan-ki'. Y wakami xapon ri q'ij richin ninya' ri rutojbalil pa kiwi'.

Wuj Richin ri Jeremías 51:20

Rix winaqi' aj-Babilonia ja rix ri xixok achi'el jun bajibel, richin xe'ikamisaj ri e etzelanel iwichin. Y yin Jehová ninbij chiwe chi iwik'in rix xenk'is tzobaj winaqi' richin re ruwach'ulew. Iwik'in rix xenk'is ri q'atbel taq tzij richin ch'aqa' chik ruwach'ulew.

Wuj Richin ri Jeremías 51:25

Rix kan xik'is chijun ri ruwach'ulew y kan ix kow nina' achi'el jun juyu'. Jak'a yin kan in yakatajineq chiwij rix. Y roma ri' kan xtintzeqej k'a ri nuq'a' pan iwi' richin ninya' rutojbalil chiwe. Pa ruk'exel ninben achi'el jun juyu' chiwe, xa xtinben achi'el jun abej ri xtinbensururej-pe pa ruwi' ri juyu'. Y kan xkixok jun juyu' k'atineq.

Ez 13:8

Roma ri' yin Jehová kan xkibeyakatej chikij ri xa nikibananej ri nikibila' y chikij ri nikibij chi k'o nik'utumej chikiwech y xa man qitzij ta.

Ez 14:17

Rik'in juba' xtinteq ta pe jun labal pa ruwi' ri ruwach'ulew richin xkeken k'a ri winaqi' y ri awej,

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Ez 21:19

Rat Ezequiel, taya' k'a ketal ka'i' bey richin keri' ri rey richin ri Babilonia nitikir nucha' jun chike ri ka'i' bey ri' ri akuchi xtapon-wi, roma nipe yan rik'in ri ru-espada. Y akuchi nuch'er kan ri' ri ka'i' bey taya' jun retal akuchi nibe-wi ri jun bey y akuchi nibe-wi ri jun chik.

Ez 24:9

Roma ri' kere' k'a ninbij yin: Toq'ex ruwech ri tinamit kamisanel, roma ri' yin xtinya' k'iy si' chuchi' ri tinamit richin nujin q'aq'.

Ez 26:3

Roma ri' yin Jehová in yakatajineq chikij ri aj-Tiro. Xtinben k'a chike chi e k'iy nima'q taq ruwach'ulew xkebeyakatej-pe chikij, achi'el toq nibolqo't ruwi' ri palou.

Ez 29:10

roma ri' xkiyakatej chawij y chikij ri kokoj raqen taq ya' ri ek'o chiri'. Xtinben chi ri ruwach'ulew xtok jun tz'iran ri ruk'amon-pe wululen, nitiker-pe pa tinamit Migdol y napon k'a pa tinamit Asuán y napon k'a kela' pa ruk'ulba't ri ruwach'ulew Etiopía.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Am 7:4

Ri Dios xuk'ut chinuwech jun chik achi'el achik' y xintz'et k'a chi xuteq-pe ruk'ayewal rik'in q'aq' pa qawi'. Y kan xuchaqirisaj ri nimalej palou ri k'o chuxe' ri ruwach'ulew y xuchop yan nuporoj ri qasanbel ulew.*f2*

Wuj Richin ri Nahum 2:13

Ri Jehová k'iytisanel richin ronojel nubij: Jare' ink'o richin yixink'is. Xkenporoj k'a ri i-carruaje y xkebuqulin pa sib, Kan xkenk'is k'a ri iwalk'ual. Kan man xtinya' ta kan richin ja rix ta yixch'akon. Y kan man jun bey chik k'a xtak'axatej kich'abel ri yech'on pan iwi' rix.

Wuj Richin ri Nahum 3:5

Ri Jehová k'iytisanel richin ronojel kere' nubij: Yin kan xkiyakatej k'a chawij: Xkatinch'anaba' richin chi xkatkitz'et at ch'anel. Y ri winaqi' richin ch'aqa' chik ruwach'ulew xtikitz'et ri ak'ixbilal.

Wuj Richin ri Sofonías 2:12

Keri' chuqa' rix winaqi' aj-Etiopía, yin, Jehová, kan xkixinkamisaj rik'in ri nu-espada, y xkixk'is chi'iwonojel, xcha'.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.