Ez 21:29 - Kaqchiquel Bible

²⁹ Rix amonita kan ikuquban ik'u'x kik'in ri yeq'alajirisan chiwech ri man e qitzij ta y nikibananej chi nikil ri xa tz'ukun-tzij. Jak'a ri espada kan naqaj chik k'o-pe chiwij richin yixken, roma xa xapon yan ri q'ij richin ninya' rutojbalil-mak pan iwi'.

Ez 21:29 ပူးပေါင်းရင်းမြစ်များ

Wuj Richin ri Achin Job 18:20

Y ronojel k'a ri xuk'uluwachij ri wineq ri' kan xtetamex k'a koma konojel ri ek'o pa qajbel-q'ij y ri ek'o pa relebel-q'ij, y kan xkebaybot k'a roma xibinri'il.

Wuj Richin Bix Chire ri Dios 37:13

Jak'a ri Dios kan nitze'en chikij, roma retaman chi xa napon jun q'ij richin nikik'ul rutojbalil.

Wuj Richin ri Isaías 44:25

Ja yin ri yiyojon ri retal chuwech ri nubananej chi retaman ri peteneq chuwech-apo, y kan yench'ujirisaj ri e etamanel. Ja yin ri ninben chike ri aj-na'oj taq achi'a' richin nikitzolij-ki' chikij, y ronojel ketamabal man jun achoq chuwech niq'ax-wi.

Wuj Richin ri Isaías 47:13

Ronojel ri kipixabanik xa xuben chiwe chi xixkos. Wakami k'a kepe y kixkikolo' ri yetz'eton ronojel ri nibanatej chuwech ri kaj, ri ye'ajlan ri ik', y nikibij ri achike peteneq chiwij.

Wuj Richin ri Jeremías 27:9

Roma ri' rix man tinimaj kitzij ri nikibananej chi e q'alajirisey ri ruch'abel ri Dios, ni ri nikiq'alajirisaj achik', ni ri aj-itza' ri nikibij chi man tisamajij ri rey richin Babilonia.

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Wuj Richin ri K'uxla'anik 2:14

Ri achi'a' ri xkibananej chi e q'alajirisey ruch'abel ri Dios, xa tz'ukuj-tzij ri xkiben, y ri xkibij xa man jun rejqalen. Rije' man xkiq'alajirisaj ta ri imak, richin xtzolin ta pe ik'u'x, y man ta xixbe pa ximonri'il. Ri xkiq'alajirisaj chiwech xa xixruk'uaj chik kan pa jun bey.

Ez 12:24

Roma kan man jun bey chik xtik'oje' chi'ikojol jun wineq, ri k'o ta nik'utumej chuwech ri xa man qitzij ta, o k'o ta jun wineq ri nuq'alajirisaj ri peteneq y xa q'oloj ri nuben.

Ez 13:10

Rije' xa xkiq'ol ri nutinamit y xkibij chike ri winaqi' chi ronojel utz beneq, toq xa man keri' ta. Rije' xkikusaj ri kich'abel xaxe richin xekichop ri winaqi' y ri kich'abel xa xuben achi'el xchumex rij jun tz'aq ri xa man kow ta k'o.

Ez 13:23

Roma ri', man jun bey chik xtik'utumej chikiwech ri man e qitzij ta, ni man xtiq'alajirisex ta chik ch'abel ri xa man e qitzij ta. Y yin kan xtinkol k'a el ri nutinamit pa kiq'a' y k'ari' xtiketamaj rije' chi ja yin Jehová, xcha'.

Ez 13:6

Nikibij chi k'o ri nik'utumej chikiwech, jak'a xa yesach. Nikibij ri peteneq chikiwech-apo, jak'a xa man qitzij ta ri nikibij. Kan pa nubi' yin yech'on-wi, jak'a xa man ja ta yin ri in taqayon-el kichin. Y pa ruwi' ri', kan nikoyobej chi nibanatej ri nikibij.

Ez 21:25

Chuqa' tabij chire ri rey richin Judá chi rija' jun banoy etzelal y kan man nuya' ta nuq'ij y chi kan ninaqajub yan k'a ri ramaj richin xtuk'ul ri rutojbalil rumak.

Ez 22:28

Ri man e qitzij ta q'alajirisanela', xa nikewaj ri man utz ta, richin man jun yetz'eton, achi'el xa ta nichumex jun tz'aq richin man nitz'et ta ri k'o chupan. Nikibij chi k'o nink'ut chikiwech y nikiya' rutzijol ri xa man qitzij ta, jak'a yin xa man in ch'owineq ta kik'in.

Ez 35:5

Xa kan jantape' ik'ulula'an-pe ri nutinamit Israel y rix xiya' q'ij chi rije' xech'akatej toq nikik'ul ri rutojbalil ri kimak.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.