Ez 21:22 - Kaqchiquel Bible

²² Y toq xtrelesaj ri ch'ab, kan k'o-pe ri retal chirij richin ja ri Jerusalem niberuchapa' chi oyowal. Y toq xtapon chiri', xtubij chi tikichojmirisaj ri che' richin nikitzeq ruchi' ri tinamit. Xkeruteq richin nibekibana' kamik y xtureq k'a ruchi' richin nichap ri labal. Chuqa' xtubij chi tiq'ijux ri ruchi' ri tinamit, tikibana' jun raq'arik bey chirij ri tz'aq richin xke'ok chupan y tikibana-q'anej ri tz'aq ri banon rik'in ulew richin nikewaj-ki'.

Ez 21:22 ပူးပေါင်းရင်းမြစ်များ

2 Rey 25:1

Chupan ri juna' beleje' richin ri q'atbel-tzij richin ri rey Sedequías, chupan ri lajuj q'ij richin ri ik' lajuj, jari' toq ri Nabucodonosor rey richin Babilonia xyakatej chik pe chikij ri aj-Jerusalem, e rachibilan-pe konojel aj-labal. Y rije' xkisutij-rij ri tinamit. Xek'oje-qa chiri' chirij ri tinamit y xekibanala-q'anej tz'aq richin nikito-ki'.

Wuj Richin ri Achin Job 39:25

Y toq nixupux ri uk'a' ri', rija' kan nuxupuj k'a pa rutza'n; y kan k'a nej ek'o-wi ri achi'a' ri achoq ik'in nibekibana-wi oyowal, rija' kan jari' nuna' yan. Rija' kan niq'ax k'a chuwech ri ch'abel ri nibix chike ri achi'a' banoy oyowal.

Wuj Richin ri Jeremías 32:24

Wakami k'a ri aj-Babilonia xkimontonij-q'anej ulew chirij ri tz'aq richin nikichop chi oyowal ri tinamit, Roma ri labal, ri wayjal y ri nima-yabil, re tinamit re' xtijach-el pa kiq'a' rije'. Ri xabij rat Jehová, kan jare' ri nibanatej wakami.

Wuj Richin ri Jeremías 33:4

Roma kere' ninbij yin Jehová: Jujun chike ri jay richin re tinamit re' y ri jay kichin ri e rey kan xewulex richin nitz'apex ri tz'aq richin man ye'ok ta apo ri aj-Babilonia.

Wuj Richin ri Jeremías 4:16

Tiya' rutzijol chike ri tzobaj winaqi' richin ch'aqa' chik ruwach'ulew; y kere' chuqa' tibix chiri' pa Jerusalem: E peteneq e etzelanel kichin ri nej yepe-wi y nikireq kichi' rik'in koyowal chikij ri tinamit richin Judá. Xtisutix-kij ri itinamit, achi'el nichajix jun juyu', roma xixyakatej chuwij yin. Yin Jehová ri yibin.

Wuj Richin ri Jeremías 51:14

Roma ri' ri Jehová ri k'o ronojel uchuq'a' pa ruq'a' kan nuya' rutzij pa rubi' rija', chi xtuben chi xke'apon e k'iy achi'a' e etzelanel iwichin, ri man jun nitikir ye'ajlan, roma kan janila e k'iy, kan achi'el ri kajlabal ri sak'. Y rije' xtikireq k'a kichi' richin ch'akonik, xkecha'.

Wuj Richin ri Jeremías 52:4

Y chupan k'a ri q'ij lajuj chire ri ik' lajuj chupan ri juna' beleje' chire ri q'atbel-tzij richin ri Sedequías, jari' toq ri Nabucodonosor rey richin Babilonia y ri aj-labal, xeyakatej chirij ri Jerusalem richin xek'oje-qa chiri'. Y xkisutij-rij ri tinamit y xkimontonij ulew chirij ri tz'aq.

Ez 26:8

Y ri rey ri' kan xkerukamisaj ri iwinaq ri ek'o pa taq kokoj tinamit. Y chirij ri tz'aq richin ri Tiro xtikiyek chik q'anej jun tz'aq ri banon rik'in ulew richin nikewaj-ki'. Chuqa' xtikipabala' nima'q taq raq'arik bey richin ye'ok-qa chupan ri tinamit. K'ari' rije' xtikichop ri kitobal richin nikichop oyowal.

Ez 26:9

Kan rik'in k'a nima'q taq che' xtikiqasaj ri tz'aq ri rusutin-rij ri tinamit y chuqa' rik'in ri' xkekitzeq ri kachoch ri chajinela' ri ek'o pa ruwi' ri tz'aq.

Ez 4:2

Y naben chire chi nasutij-rij chi tz'aq rik'in ulew. Chuqa' naben-q'anej jun bey pa jotol ri nusutij-rij chijun ri ruwachibel ri tinamit. Xtaben chuqa' kiwachibel aj-labal ri nikisutij-rij ri tinamit y xtiq'alajin ri tinamit chi ya'on pa nik'aj koma ri e etzelanel richin.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Wuj Richin ri Josúe 6:10

K'ari' ri Josué xubij k'a chike ri achi'a': Man jun chiwe rix xtisik'in, ni man jun ch'abel tibij, k'a toq xtinbij na yin chiwe chi kixsik'in, k'ari' xkixsik'in rik'in ronojel iwuchuq'a', xcha'.

Wuj Richin ri Josúe 6:20

Y ri achi'a' xesik'in rik'in ronojel kuchuq'a', toq ri sacerdote xeyaloj xkixupuj ri xupubel, y jari' toq ri achi'a' xkak'axaj y xesik'in-q'anej, ri tz'aq ri rusutin-rij ri tinamit kan xtzaq-qa jumul y jari' toq kan choj xe'ok-apo chupan ri tinamit y xkich'ek.

1 Sam 17:20

Ri ruka'n q'ij, ri David nimaq'a' yan xyakatej y xeruya' kan ri rukarne'l pa ruq'a' jun chik achin. Xbe rik'in ri taqikil achi'el xubij-el ri rutata' chire. Xapon k'a akuchi ek'o-wi-qa ri aj-labal, y jari' toq ri achi'a' nikinuk'-ki' richin yebe pan oyowal, y janila k'a yesik'in.