Ez 21:21 - Kaqchiquel Bible

²¹ Toq ri rey richin Babilonia xtapon akuchi nuch'er kan ri' ri bey, jari' toq xtuch'ob k'a ri achike bey xtuk'uaj. Xtuk'ulubej k'a ri wachibel, xtrelesaj k'a jun ch'ab pa ruk'ojelibal richin nretamaj ri bey y xtukamisaj jun chikop richin jebel xtunik'oj ri rusase' richin nretamaj akuchi nibe-wi.

Ez 21:21 ပူးပေါင်းရင်းမြစ်များ

Wuj Richin ri Rutikeribel 31:19

Jak'a ri Labán xa xberusokaj kisumal ri rukarne'l. Roma ri' ri Raquel xtikir xereleq'aj-el ri wachibel ri yek'atzin chire ri rutata' richin nuya' kiq'ij.

Wuj Richin ri Rutikeribel 31:30

Utz ri' chi nawajo' yatzolin kik'in ri ate-atata'. ¿Jak'a achike roma xe'aweleq'aj-pe ri nu-dios?, xcha' ri Labán chire ri Jacob.

2 Rey 23:24

Keri' chuqa' ri Josías xeruk'is k'a el konojel ri aj-itza' y ri yek'uluben ri itzel taq espíritu. Xerelesaj-el chuqa' ri taq wachibel ri richin pa taq jay, y ronojel ri man niqa' ta chuwech ri Dios ri ek'o chiri' pa ruwach'ulew Judá y pa Jerusalem, richin chi rija' nutaqej ri pixa' ri tz'ibatel kan chupan ri wuj ri xril ri sacerdote Hilquías chupan ri rachoch ri Jehová.

Wuj Richin Etamabel-Tzij 16:10

Ri ch'abel ri nubij ri rey, kan e pixa' ri kan k'o chi yebanatej; kan ja ri ch'abel ri nik'atzin chi nubij, kan jari' ri yerukusaj toq niq'aton-tzij.

Wuj Richin Etamabel-Tzij 16:33

Ri wineq xaxe k'a nuk'eq-apo ruwech chirij ri nurayij, xa achi'el rubanik jun sakinik; y ja ri Jehová ri xtibin wi nuya' o man nuya' ta ri nurayij.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Wuj Richin ri Zacarías 10:2

Ri nikikuquba' kik'u'x kik'in wachibel xa kiyon rije' nikiq'ol-qa-ki'. Y ri nikibananej chi ketaman ri peteneq chiwech xa kan ruyon tz'ukun taq tzij ri yekibij. Nikibij chi k'o xk'utumej chikiwech, jak'a ri achik' ri' xa man jun nik'atzin-wi. Ri kich'abel richin kuqubabel-k'u'x xa man jun rejqalen. Roma ri' ri nuwinaq xkitalula-ki', achi'el nikiben ri tzobaj karne'l ri maneq niyuq'un kichin.

Wuj Richin ri Q'axanri'il 22:7

Y ri achi'a' aj-Moab y ri aj-Madián xebe k'a y xkik'uaj-el ri tojbel richin ri itzel oyonik ri xtuben ri Balaam. Y toq rije' xe'apon rik'in ri Balaam, xbekibij k'a ri ch'abel ri rubin-el ri Balac.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Wuj Richin ri Q'axanri'il 23:28

Y ri Balac xuk'uaj k'a ri Balaam pa ruwi' jun chik rutza'n juyu' rubini'an Peor, ri akuchi kan q'alaj-wi ri tz'iran ruwach'ulew.

San Mateo 22:9

Wakami k'a, kixbiyin chupan ri nima'q taq ruwech bey y ke'iwoyoj-pe konojel ri ye'iwil-pe richin yepe chupan re k'ulubik, xcha' ri rey chike.

Hechos 16:16

Jun bey k'a toq qachapon-el bey richin yojbe k'a ri akuchi niban-wi ch'owen rik'in ri Dios, xqak'ul jun xten aj-ik' ri loq'on. Re xten re' k'o k'a jun itzel espíritu rik'in, y jari' ri nibanon chire chi nitikir nubij ri xtikik'uluwachila' ri winaqi'. Nuben chi nuch'ek ruméro, y ri méro ri' napon pa kiq'a' ri rajaw.

Deut 18:10

Man jun chiwe ri xtusuj ri ralk'ual richin kamelabel y nuq'axaj pa q'aq'. Man ye'ik'ulubej k'a ri yech'on kik'in ri espíritu, richin niwetamaj ri peteneq chiwech, ni man yixch'on kik'in ri kaminaqi'. Man niya' q'ij chi yek'oje' aj-itza' chi'ikojol. Ni man kixq'olon rik'in meyel taq banobel.

Wuj Kichin ri To'onela' 17:5

Y re achin re' xk'oje' kachoch ri dios ri' rik'in, y xuben jun tzieq ri nibix efod chire, y chuqa' xeruben ch'aqa' chik taq wachibel. Chuqa' xuben chire jun chike ri ruk'ajol chi xok sacerdote kichin re wachibel re'.

Wuj Kichin ri To'onela' 18:14

K'ari' ri wo'o' achi'a' ri xbeketamaj kan ri ruwach'ulew Lais y xkibij chike ri kiwinaq: Chupan re jay re' k'o jun efod, chuqa' kokoj taq wachibel, jun wachibel toch'on ri ya'on saqipueq chirij y jun chik banon rik'in saqipueq ya'erisan pa q'aq'. Wakami k'a tich'obo' achike niqaben rik'in ronojel re', xecha'.

Wuj Kichin ri To'onela' 18:17

K'ari' ri wo'o' achi'a' ri xbeketamaj kan ri ruwach'ulew, xe'ok-apo pa rachoch ri Micaías, y xbekik'ama-pe ri wachibel toch'on, ri efod, ri kokoj taq wachibel y ri wachibel ri banon rik'in saqipueq ya'erisan pa q'aq', rokik ri sacerdote k'o chiri' chuchi' ri jay kik'in ri e 600 achi'a' ri kik'uan ri kikamisabal.

Wuj Kichin ri To'onela' 18:18

Y toq rije' xbekik'ama' yan pe ronojel re' pa rachoch ri Micaías, jari' toq ri levita xubij chike: ¿Achike k'a niben rix?, xcha'.

Wuj Kichin ri To'onela' 18:20

Y ri levita kan xkikot k'a ránima, y xuchop k'a el ri efod, ri kokoj taq wachibel y ri wachibel toch'on y ya'on saqipueq chirij, y xbe chikikojol ri winaqi' ri'.

Wuj Kichin ri To'onela' 18:24

Rija' xubij chike: Xik'uaj-el ri nu-dios ri xenben y xik'uaj chuqa' ri nu-sacerdote. Y wakami xa kan man jun chik xk'oje' kan wik'in. ¿Achike k'a roma nibij-pe chuwe chi achike xinben?, xcha'.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.