Ez 21:20 - Kaqchiquel Bible

²⁰ Y jun chike re bey re' napon pa tinamit Rabá ri k'o pa ruwach'ulew Amón. Y ri jun chik napon pa Jerusalem chupan ri ruwach'ulew Judá.

Ez 21:20 ပူးပေါင်းရင်းမြစ်များ

2 Sam 12:26

Rokik xbanatej ronojel re', ri Joab ruchapon k'a oyowal rik'in ri tinamit Rabá kichin ri amonita. Y xuchop yan k'a ri chajibel richin ri yakbel-ya'. Y xuteq rutzijol rik'in ri David pa ruwi' ronojel re'.

2 Sam 5:9

Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

2 Crón 26:9

Chuqa' kan xerupaba-q'anej kachoch ri chajinela' pa ruwi' ri tz'aq richin yechajix ri ruchi' ri tinamit Jerusalem; jun xuben chuxikin-apo ri ruchi' ri akuchi nusutij-el-ri' ri tz'aq, jun chik xuben chuxikin-apo ri ruchi' ri k'o chunaqaj ri tz'aq ri' y ri jun chik chuxikin-apo ri ruchi' ri k'o pa ruchojmilal ri taq'aj kojol juyu' ri k'o pa xokon chire ri tinamit.

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

2 Crón 33:14

Chirij k'a ronojel re', rija' xupaba-q'anej ri tz'aq chirij ri Ófel, ri rutinamit ri David, ri nitiker-el chiri' pa qajbel-q'ij chire ri ralaxbel-ya' Guihón, y napon k'a rik'in ri ruchi' ri akuchi ye'el ye'ok-wi ri e k'ayil taq ker. Toq xk'achoj kan chire ri tz'aq ri', k'ari' xusutij-rij chijun ri Ófel. Ri tz'aq ri' kan janila nim rujotolen xuben chire. Y kan xeruya' aj-raqen kichin aj-labal pa taq tinamit ri sutin-kij chi tz'aq, chiri' pa Judá, richin nikichajij chijun ri ruwach'ulew.

Wuj Richin ri Isaías 22:10

Roma ri' kan xke'iwajlaj ri jay. K'ari' xke'iwulaj jujun chike rije' richin xtik'ojoj ri jul ri ek'o chike ri tz'aq ri sutiyon-rij ri tinamit.

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

Wuj Richin ri K'uxla'anik 4:12

Ri e etzelanel qichin man xketikir ta xke'ok-apo chupan ri qatinamit: Keri' xkich'ob ri e rey y konojel ri winaqi' richin ri ruwach'ulew.

Ez 25:5

Xtinben k'a chire ri itinamit Rabá chi xtok jun kisoq'olbal camello y ri ch'aqa' chik iwulew kan xtinben k'a chire richin chiri' xkeyuq'ux ri karne'l. Y toq xtik'uluwachitej re', k'ari' xtiketamaj chi ja yin Jehová ri ink'o pa ruwi' ronojel.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.