Ez 21:12 - Kaqchiquel Bible

¹² Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Ez 21:12 ပူးပေါင်းရင်းမြစ်များ

Wuj Richin ri Isaías 13:7

Roma ri' konojel ri winaqi' aj chiri' kan xkelawalo-qa; konojel kan xtimayamo-qa ri kánima.

Wuj Richin ri Jeremías 25:34

¡Kixjilon rix yuq'unela' y kixsik'in roma q'axo'n! roma xapon ri q'ij richin rix kan xkixkamisex achi'el niban chike ri karne'l jebel e ti'oj. Roma ri' tibolqotila-iwi' pan ulew richin nik'ut ri bis.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Wuj Richin ri Jeremías 31:19

Toq k'a oj k'ajol na, kan xqach'er-el-qi' awik'in, jak'a re wakami xtzolin-pe qak'u'x y kan niqaya' chiqij ri qamak. Kan niq'ax k'a chiqawech ri xqaben y roma ri' oj k'ixbitajineq y kan qajineq qaq'ij, yecha' ri aj-Israel.

Ez 21:11

Xjosq'ix yan k'a jebel richin chi k'o jun nuk'uan. Ri espada xban yan k'a rey y kan xjosq'ix yan, richin xya'ox pa ruq'a' ri kamisanel.

Ez 21:13

Yin ninbij chi kan nibanatej-wi, roma ri rey kan nik'uluman chuqa'. Yin Jehová ri ink'o pa ruwi' ronojel ri yibin.

Ez 21:14

Y rat Ezequiel, taq'alajirisaj k'a ri nuch'abel, k'ari' xtapaq'apa' ri aq'a' retal richin k'o ch'akonik. Ri espada kan man xtitane' ta qa richin nikamisan, y kan yerukamisaj konojel winaqi' ri ek'o xabakuchi.

Ez 21:25

Chuqa' tabij chire ri rey richin Judá chi rija' jun banoy etzelal y kan man nuya' ta nuq'ij y chi kan ninaqajub yan k'a ri ramaj richin xtuk'ul ri rutojbalil rumak.

Ez 21:6

Y rat Ezequiel, kan katoq' k'a rik'in janila bis y q'axo'n.

Ez 22:6

Konojel k'a ri tata'al ri ek'o chiri' nikikusaj ri kuchuq'a' richin nikiben kamik,

Ez 30:2

Rat Ezequiel, taq'alajirisaj re jun rutzijol re' y tabij chi kere' ninbij yin: Kan xkixsik'in k'a, toq xtapon ri q'ij ri'.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Ez 7:17

Xtik'is k'a ruchuq'a' ri kiq'a' y ri kaqen.

Ez 9:8

Y rokik k'a ye'ajin rije' chi kamisanik chiri' pa tinamit, yin xik'oje' kan nuyon. Y xink'eq k'a wi' pan ulew y rik'in k'a janila q'axo'n xisik'in y xinbij ¡Jehová, at wajaw! ¿Kan nawelesaj ronojel ri awoyowal chirij ri tinamit Jerusalem, richin chi ye'ak'is ri juba' chik winaqi' ri k'a ek'o kan?, xicha'.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Wuj Richin ri Miqueas 1:8

Roma ri' kan yibison y kan yijiq'ijo'x chi oq'ej. Xkiwuyin k'a chi oq'ej achi'el yewuyin ri utiwa', y achi'el ri jiloj ri nikiben ri alaji' aj-xik' taq chikopi' toq e malin kan roma ri kite'. Roma k'a ri nubis kan maneq nuxajab y nutziaq xtinkusaj.