Ez 20:5 - Kaqchiquel Bible

⁵ Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Ez 20:5 ပူးပေါင်းရင်းမြစ်များ

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

1 Rey 18:39

Y toq xkitz'et konojel ri winaqi' ri', kan kexukuk xeqaqa pan ulew y rik'in ronojel kuchuq'a' xkibij: ¡Ri Jehová jari' ri Dios! ¡Ri Jehová jari' ri Dios!, xecha'.

Wuj Richin Bix Chire ri Dios 103:7

Ri ojer kan xuk'ut k'a ri rubey chuwech ri Moisés. Ri nima'q rubanobal xuk'ut chikiwech ri ánima qati't-qamama'.

Wuj Richin Bix Chire ri Dios 33:12

Jebel ruwa-kiq'ij ri winaqi' chi ja ri Jehová ri ki-Dios, ri tinamit ri xucha' richin xok richin.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Ex 6:2

Ri Dios xch'on chik jun bey rik'in ri Moisés y xubij chire: JA YIN RI JEHOVÁ.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Wuj Richin ri Isaías 43:10

Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,

Ez 34:24

Yin Jehová xkinok i-Dios y ri rijatzul kan ri David ri' xtok aj-raqen pan iwi'. Yin Jehová ri yibin ronojel re'.

Ez 35:11

Rix kan xe'iwetzelaj, kan xiwajo' xk'oje' iwik'in ri xk'oje' kik'in rije'. Roma ri', yin Jehová kan ninya' k'a nutzij chi kan xtinya' ruk'exel chiwe. Toq yin xtinya' ri rutojbalil pan iwi', k'ari' xtretamaj ri nutinamit chi ja yin ri' ri in Jehová.

Ez 47:14

Yin xinya' nutzij richin xinya' re ruwach'ulew re' chike ri iwati't-imama' y roma ri' kan xtich'er k'a junan chiwech richin xtiwichinaj.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Wuj Richin ri Chojmirisabelri'il 18:2

tubij chike ri winaqi': Ja yin Jehová ri i-Dios.

Marcos 13:20

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Deut 32:40

Rija' xtuyek k'a ri ruq'a' richin nujikiba' ri nubij, y xtubij k'a: Xaxe k'a yin ri in qitzij Dios ri tibe-q'ij tibe-seq.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Deut 7:7

Ri Jehová xixrucha'; man roma ta janila iwejqalen chikikojol ri ruwach'ulew, roma stape' xa ja rix ri más ix ko'ol chikiwech konojel ruwach'ulew.

Apocalipsis 10:5

K'ari' xintz'et chi ri ángel ri ruya'on jun raqen chupan ri palou y chuqa' ri pa ruwi' ri ruwach'ulew, xutzeqej ri rijkiq'a' chikaj,

Apocalipsis 10:6

y xuya' rutzij pa rubi' ri Dios ri kan k'es ri tibe-q'ij tibe-seq, ri xbanon ri kaj y ronojel ri ek'o chuwech, ri xbanon ri ruwach'ulew y ri ek'o chuwech, ri xbanon ri palou y ri ek'o chupan; chi ri q'ij jari' xtz'aqet yan.