Ez 20:48 - Kaqchiquel Bible

⁴⁸ Y konojel k'a ri winaqi' xtiketamaj chi ja yin Jehová ri xitaqon-pe ri q'aq'. Y ri q'aq' ri' kan man jun k'a xtitikir xtichupu, xcha'.

Ez 20:48 ပူးပေါင်းရင်းမြစ်များ

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Wuj Richin ri Jeremías 21:14

Yin kan xtinya' rutojbalil pan iwi' achi'el ri ibanobal. Kan xtinya' ruq'aq'al ri rachoch ri i-rey y ri q'aq' ri' kan xtuk'is ronojel ri ek'o chunaqaj. Yin Jehová ri yibin, xcha'.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 21:32

Kan xkixk'at y ri ikik'el kan xtibiyin chuwech re ruwach'ulew y kan man jun chik xtinatan iwichin. Yin Jehová ri yibin, xcha'.