Ez 20:44 - Kaqchiquel Bible

⁴⁴ Rix kan ruk'amon ta ninya' rutojbalil-mak pan iwi', jak'a richin chi nel utz nutzijol, kan xtinjoyowaj k'a iwech. Y jari' toq xtiwetamaj chi ja yin Jehová ri ink'o pa ruwi' ronojel, xcha'.

Ez 20:44 ပူးပေါင်းရင်းမြစ်များ

Ez 24:24

Ri xinben rik'in ri Ezequiel, re' kan xtok k'a jun retal chiwe rix y rix kan xtiben k'a ronojel ri xuben rija'. Y toq ronojel k'a re' xtik'uluwachitej, k'ari' xtiwetamaj chi ja yin Jehová ri ink'o pa ruwi' ronojel, xcha' ri Dios.

Ez 20:22

Jak'a man xinben ta keri', roma man xinwajo' ta richin xyoq'otej ri nubi', richin chi man yik'ulun ta itzel chikiwech ri ch'aqa' chik tzobaj winaqi' richin ri ruwach'ulew ri kan xkitz'et achike rubanik toq xenwelesaj-pe pan Egipto.

Ez 20:14

Xa roma ri ruruwaq'ijaj ri nubi' man xinben ta keri', richin man yinel ta itzel chikiwech ri ch'aqa' chik ruwach'ulew, ri xkitz'et chi xenwelesaj-pe pan Egipto.

Ez 20:9

Xinwajo' ta xinben kere', jak'a xa man xinben ta, richin man niqasex ta nuq'ij chikikojol ri ch'aqa' chik tzobaj winaqi', roma xinya' nutzij richin xenwelesaj-pe pan Egipto.

Wuj Richin Bix Chire ri Dios 115:1

Man chiqe ta k'a roj Jehová ri ruwaq'ijaj, xa kan awichin rat, roma ri awajowabal ri man k'isel ta, y roma man yojamalij ta kan.

1 Timoteo 1:16

Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Ez 16:62

Yin kan xtinben k'a re jikibel-tzij re', richin tawetamaj chi ja yin Jehová ri a-Dios.

Ez 20:45

Ri Jehová xch'on chik wik'in y xubij chuwe: