Ez 20:40 - Kaqchiquel Bible

⁴⁰ Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 20:40 ပူးပေါင်းရင်းမြစ်များ

2 Sam 24:23

Rija' xusuj ronojel re' chire ri David, y xubij chire chi kan ta xtik'ul roma ri Jehová ri ki-Dios.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin ri Isaías 56:7

wi nikiben ronojel re', yin kan xkenk'en-pe chupan ri juyu' Sión. Kan xtinben chike richin xkekikot chupan ri wachoch richin niban ch'owen wik'in. Ri poron chikopi' y ri kamelabel ri xkekisuj chuwe kan xtink'ul chikiwech, roma chikikojol ri tinamit, ri wachoch kan xtubini'aj: Jay akuchi niban-wi ch'owen rik'in ri Dios.

Wuj Richin ri Isaías 60:7

Konojel k'a tzobaj awej richin ri ruwach'ulew Quedar xke'ok iwichin, y ri karne'l richin ri tinamit Nebaiot kan xkek'oje' chiri' richin ye'ikusaj, richin nisuj chuwe pa ruwi' ri porobel. Y kan ninimirisaj ri nuq'ij-nuk'ojlen.

Wuj Richin ri Isaías 66:20

Y chirij ronojel re' xkekimol konojel ri iwinaq ri kitalun-ki' chupan ch'aqa' chik ruwach'ulew, y xkekik'en-pe richin jun sipanik chuwe yin. Rije' kan xkekik'en-pe chikij kiej, pa carruaje, chikij kowilej taq kiej y chikij camello. Y xkekik'en-pe pa nujuyu' ri k'o pa Jerusalem. Yin Jehová ri yibin. Ronojel re' kan achi'el nikiben ri iwinaq israelita toq nikik'en-pe pa wachoch ri kisipanik richin jalajoj ruwech ixin pa taq ch'ajch'oj k'ojelibel.

Wuj Richin ri Isaías 66:23

Xtibanatej k'a chi ronojel ik' y q'ij richin uxlanen, kan konojel k'a winaqi' richin chijun ruwach'ulew xkepe richin nokiya' nuq'ij. Yin Jehová ri yibin.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Ez 17:22

Roma ri' kere' k'a ninbij yin: Ja yin ri xkinuk'uan-el jun rutum ri tiox-che' y xtintik chik k'a pa ruwi' jun juyu' ri nej jotol.

Ez 17:23

Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Ez 28:14

Rat atk'o k'a chupan ri juyu' richin ri a-dios.*f8* Y rat nachajij ri juyu' ri' achi'el nuben jun querubín, y yabiyajilan pa runik'ajal ri abej ri ek'o pa q'aq',*f9* achi'el nuben jun chike ri a-dios.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Ez 43:12

Jak'a pixa' re' ri k'o janila rejqalen. Chijun ri ulew ri akuchi k'o-wi ri wachoch, re pa ruwi' re juyu' re', kan xtich'ar chuwe yin.

Ez 43:27

Keri' xtiben chi wuqu' q'ij y ri ruwaqxaq q'ij, ri sacerdote xtikichop nikisuj ri chikop richin niporox jumul y ri kamelabel richin niq'alajirisan chi junan iwech wik'in. K'ari' xkixink'awomaj chik pe y kan xkixqa' chinuwech. Yin Jehová ri yibin, xcha' chuwe.

Wuj Richin ri Abdías 1:16

Achi'el ri aj-Judá xkitej poqon chupan ri ruk'ayewal, keri' xtikitej poqon ri ch'aqa' chik winaqi' richin ri ruwach'ulew; kan xtikitej poqon richin xkek'is jumul.

Wuj Richin ri Sofonías 3:11

Chupan k'a ri q'ij ri', rix nuwinaq kan man xkixk'ixbitej ta chik roma ri imak ri e ibanalon chinuwech yin. Roma kan xkenwelesaj-el chi'ikojol konojel ri kinimirisan-ki'. Y rix kan man jun bey chik k'a xtinimirisaj-iwi' wawe' pa Jerusalem.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri Malaquías 3:4

K'ari' xtik'awomex chik chiwech ri isipanik ri xtisuj rix aj-Judá y rix aj-Jerusalem, achi'el rubanon ojer kan.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

Apocalipsis 12:1

K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.