Ez 20:35 - Kaqchiquel Bible

³⁵ Kan xkixink'uaj k'a el pa tz'iran ruwach'ulew chikikojol ri ch'aqa' chik winaqi' y chiri' xtinq'et k'a tzij pan iwi'.

Ez 20:35 ပူးပေါင်းရင်းမြစ်များ

Os 2:14

Ri Jehová xubij chik chuwe: Jak'a yin kan xtinbochi'ij chik k'a el ri nutinamit Israel. Y xtink'uaj k'a el pa tz'iran ruwach'ulew, chiri' xkitzijon-wi rik'in chi utzil.

Ez 20:36

Achi'el k'a toq xinq'et-tzij pa kiwi' ri ite-itata' chupan ri tz'iran ruwach'ulew chiri' pan Egipto, keri' chuqa' xtinq'et-tzij pan iwi' rix re wakami.

Ez 19:13

Ri che' ri' wakami xa pa tz'iran ruwach'ulew tikil-wi. pa jun ruwach'ulew chaqi'j-chaqi'j.

Ez 17:20

Yin xtinben k'a chire chi achi'el xtiqaqa pa jun ya'l y kan rik'in ri' xtinchop-wi. K'ari' xtink'uaj-el pa ruwach'ulew Babilonia y chiri' k'a xtinbenq'ata-tzij pa ruwi', roma man xuben ta ri xinwajo' yin.

Wuj Richin ri Jeremías 2:35

jak'a rix nibij chi man jun imak ibanon. Y rix nich'ob chi yin man woyowal ta chik chiwe. Roma nibij chi man ix makuwineq ta, roma ri' wakami, yin xtinq'et-tzij pan iwi'.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Wuj Richin ri Jeremías 25:31

Ri raqoj-chi'ij ri' xtapon k'a ri juk'an chik ruchi' ri ruwach'ulew, roma ri Jehová nrajo' nuchojmirisaj ri yebanatej kik'in konojel winaqi'. Kan nuq'et-tzij pa kiwi' y ri winaqi' ri e banoy etzelal kan xkerukamisaj chi espada.

Wuj Richin ri Jeremías 2:9

Roma ri' kan ninch'ojij chiwe rix y chike ri iwiy-imam. Yin Jehová ri yibin.

1 Sam 12:7

Wakami k'a chuwech ri Jehová xtinbenataj chiwe ronojel ri kolotajik ri rubanon-pe qik'in roj y ri xuben kik'in ri qati't-qamama'.

Wuj Richin Bix Chire ri Dios 74:22

Kayakatej k'a nu-Dios, y tato-awi'. toqaqa chi'ak'u'x chi ri e nakaneq jantape' yatkiyoq'.

Wuj Richin ri Isaías 3:14

Ri Jehová nuq'et k'a tzij pa kiwi' ri tata'al y ri aj-raqen pa kiwi' ri qawinaq. Y rija' nubij chi roj oj achi'el tiko'n uva, y chi rije' xa xek'is yan chuwech ri ulew ri'. Chuqa' kan xkinojisaj yan ri kachoch rik'in ri xkimej kan chuwi-kiq'a' ri meba'i'.

Wuj Richin ri Jeremías 31:2

Ri Jehová nubij: Toq ri tinamit Israel beneq chukanoxik uxlanenri'il, ri xekolotej kan chuwech ri espada xkil uxlanenri'il pa tz'iran ruwach'ulew.

Os 2:16

Toq xtapon k'a ri q'ij ri' ri tinamit Israel kan xtubij k'a chuwe: Wachijil yin. Kan man jun bey chik k'a xtubij chuwe: Nu-Baal yin.