Ez 20:32 - Kaqchiquel Bible

³² Xa kan k'o chik pan iwi' richin niben achi'el nikiben ri ch'aqa' chik ruwach'ulew ri nikiya' kiq'ij ri che' y ri abej. Re' man jun bey chik xtik'uluwachitej.

Ez 20:32 ပူးပေါင်းရင်းမြစ်များ

Wuj Richin Bix Chire ri Dios 139:2

Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Wuj Richin ri Isaías 37:19

Y kan xkiya' ri ki-dios richin xekibox pa q'aq', y kan xekik'is konojel, roma re' man e qitzij dios ta. Xa ja ri achi'a' e banayon, e kibanon rik'in che' y abej.

Wuj Richin ri Jeremías 2:25

Roma ri' rix tinamit Israel man tiben chi nitziaqir ri ixajab richin junanin yixbe chikij ri ch'aqa' chik dios. Y man tichaqi'j pan ichi' richin yixanin chikij. Jak'a rix xa xibij chi man yixtikir ta niq'et-iwi' roma kan ye'iwajo' y chikij rije' yixbe-wi.

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri Jeremías 44:29

Xtink'ut k'a chiwech jun retal richin yin kan ninjikiba' chi ninya' ruk'ayewal pan iwi'. Richin keri' toq xtitz'et ri etal ri', xtiwetamaj chi xtibanatej ri ruk'ayewal chupan re ruwach'ulew re'.

Wuj Richin ri K'uxla'anik 3:37

Man jun yojtikir niqaben wi ri Jehová man nuya' ta q'ij chiqe.

Ez 11:5

Y ri ru-Espíritu ri Jehová xok k'a wik'in richin ninq'alajirisaj ri nubij chuwe. Kere' k'a xubij: Rix israelita, kan k'o k'a ri ibin, jak'a yin kan wetaman ri ich'obonik.

Ez 38:10

Yin Jehová ri yibin ronojel re'. Chupan k'a ri q'ij ri', rat kan xke'ach'obola' k'a janila itzel taq banobel.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Deut 29:17

Y chuqa' xitz'et ri itzel taq kibanobal ri xekiben rije', toq xekiben wachibel ri e banon rik'in che', rik'in abej, rik'in saqipueq y q'anapueq. Y ri winaqi' ri' jari' ri nikiya' kiq'ij.

Deut 4:28

Y chiri' k'a nibeya' kiq'ij wachibel ri e banon koma achi'a', wachibel ri e banon rik'in che', y chuqa' ri e banon rik'in abej. Ri man yetzu'un ta, ri man ye'ak'ex ta, ri man yewa' ta y chuqa' ri man yeseqon ta.

Apocalipsis 9:20

Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

1 Sam 8:5

y xkibij chire: Rat janila chik at ri'j, y ri ak'ajol man nikiben ta achi'el naben rat. Roma ri' wakami niqajo' chi nakanoj jun qa-rey richin nuq'et-tzij pa qawi', achi'el kibanon ri ch'aqa' chik ruwach'ulew, xecha'.