Ez 20:31 - Kaqchiquel Bible

³¹ Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Ez 20:31 ပူးပေါင်းရင်းမြစ်များ

Wuj Richin ri Achin Job 27:10

Ri kan maneq Dios chuwech man jun bey xtikikot rik'in ri Dios, xa kan man jun bey nuk'utuj ta ruto'onik ri Dios pa ruwi'.

Wuj Richin ri Achin Job 27:8

Ri wineq ri maneq Dios chuwech, kan man jun k'a xtroyobej-apo, rik'in ri itzel ch'akoj ri e rubanalon, roma ri Dios xa xtrelesaj-el ri ruk'aslen.

Wuj Richin Bix Chire ri Dios 66:18

Wi ta yin k'o mak pa nuk'aslen, ri Dios man ta xirak'axaj.

Wuj Richin Etamabel-Tzij 28:9

Ri wineq ri xa pa rubanik nuben chi man nrak'axaj ta ri rupixa' ri Dios, toq nich'on-q'anej rik'in ri Dios, kan man xtak'axex ta ri ruch'owen.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

Wuj Richin ri Isaías 57:5

Rix ri yixk'oje' kik'in ixoqi' ri man iwixjayil ta, y keri' niben chuxe' xabachike nima'q taq che'. Chuqa' rix ri ye'isuj iwalk'ual chiri' pa taq taq'aj, y chukojol ri nima'q taq abej.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Richin ri Jeremías 7:31

Y xekipabala' k'a q'anej porobel ri chiri' pa Tófet*f3* pa taq'aj kojol juyu' Ben-hinom ri akuchi yekiporoj ri kalk'ual. Re' jun banobel ri man xinbij ta yin richin chi niban y kan man jun bey xpe ta pa wánima richin keri' nibanatej.

Ez 16:20

Y man xaxe ta ri', xaben achi'el jun ixoq itzel ruk'aslen. Chuqa' xe'asuj ri alk'ualaxela', chi alaboni' chi xtani', xe'asuj chikiwech ri wachibel ri' richin chi jari' ri xok kiway.

Ez 16:36

Yin Jehová kan ninjikiba' nutzij chi kan xtinya' ruk'ayewal pan awi'. Rat kan xaben chi xach'anaba-awi' jumul chikiwech ri ye'ajowan awichin y kan man jun k'a k'ix chawech. Chuqa' xajech-awi' chikiwech y chuqa' xajech-awi' richin xaya' kiq'ij ri wachibel ri kan yenwixowaj yin. Y pa ruwi' ri' kan xaben richin xtix kikik'el ri awal richin chi xasuj kamelabel chikiwech ri wachibel ri'.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Ez 23:37

roma rije' xekitzeqelibej ch'aqa' chik dios achi'el nuben jun ixoq nutzeqelibej jun chik achin ri man rachijil ta. Chuqa' kan xe'ok kamisanela' roma xekisuj ri kal chikiwech ri wachibel. Re ak'uala' re' kan e wichin yin, jak'a xa xe'ok kiway ri wachibel.

Ez 33:30

Jak'a rat Ezequiel, ri awinaq ri ek'o chiri' pa Babilonia yetzijon chikiwech rije' pan awi' rat toq ek'o chunaqaj ri tz'aq richin ri tinamit y toq nikik'ul-ki' chuchi' taq kachoch. Y noqaqa chikik'u'x chi yepe awik'in rat richin nokak'axaj ri nuch'abel.

Am 8:12

Ri winaqi' kan xtisach k'a kik'u'x; Kan xtikikanoj k'a ri nuch'abel. Stape' xke'el-el chupan ri Tzayi-Choy, y xke'apon chupan ri palou ri k'o pa qajbel-q'ij; y stape' xke'el-el pa xokon y xke'apon pa xaman, jak'a kan man xtikil ta chik ri nuch'abel.

Wuj Richin ri Zacarías 7:13

Chupan ri q'ij toq yin xich'on iwik'in, man xiniwak'axaj ta. Roma ri' yin chuqa' man xixinwak'axaj ta toq xixch'on wik'in. Yin Jehová k'iytisanel richin ronojel ri yibin.