Ez 20:3 - Kaqchiquel Bible

³ Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Ez 20:3 ပူးပေါင်းရင်းမြစ်များ

Wuj Richin ri Miqueas 3:7

Xa kan xkixk'ixbitej y xa xkixsachilan rik'in ri ich'abel. Roma xa man jun chik xtiq'alajirisex chiwech roma ri Dios, xtimatzej ipalej rik'in k'ix.

Wuj Richin Etamabel-Tzij 28:9

Ri wineq ri xa pa rubanik nuben chi man nrak'axaj ta ri rupixa' ri Dios, toq nich'on-q'anej rik'in ri Dios, kan man xtak'axex ta ri ruch'owen.

San Juan 4:24

Ri Dios kan espíritu wi. Roma ri' ri winaqi' ri yeya'on ruq'ij, kan nik'atzin chi k'o ri Loq'olej Espíritu kik'in richin nikiya' ri qitzij ruq'ij, xcha'.

San Lucas 3:7

Keri' ri Juan, toq ye'apon ri winaqi' rik'in richin nuqasaj ya' pa kiwi', rija' nubij k'a chike: Rix xa ix kijatzul ri q'olonela' taq winaqi'. ¿Achike xbin chiwe chi k'o chi yixanimej chuwech ri ruk'ayewal ri peteneq?

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

Wuj Richin ri Isaías 1:12

Rix ri jantape' yixpe chinuwech yin; ¿achike xk'utun chiwe richin nixolq'otij kan ri ruwa-jay richin ri wachoch?

Wuj Richin Etamabel-Tzij 21:27

Ri kamelabel ri nikiya' ri winaqi' ri kan e banoy richin ri etzelal, xa netzelex roma ri Jehová, y más nretzelaj toq xa rik'in jun itzel kánima nikiya'.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

1 Sam 28:6

K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.

Ez 20:2

K'ari' ri Jehová xch'on wik'in y xubij chuwe:

Ez 33:30

Jak'a rat Ezequiel, ri awinaq ri ek'o chiri' pa Babilonia yetzijon chikiwech rije' pan awi' rat toq ek'o chunaqaj ri tz'aq richin ri tinamit y toq nikik'ul-ki' chuchi' taq kachoch. Y noqaqa chikik'u'x chi yepe awik'in rat richin nokak'axaj ri nuch'abel.

Am 8:12

Ri winaqi' kan xtisach k'a kik'u'x; Kan xtikikanoj k'a ri nuch'abel. Stape' xke'el-el chupan ri Tzayi-Choy, y xke'apon chupan ri palou ri k'o pa qajbel-q'ij; y stape' xke'el-el pa xokon y xke'apon pa xaman, jak'a kan man xtikil ta chik ri nuch'abel.

Wuj Richin ri Isaías 58:2

Kan q'ij-q'ij k'a yinkikanoj, y nikiben chi nikajo' niketamaj ri nubey, achi'el xa ta e jun tinamit ri nikiben ri utz, y kan nikiben ronojel pa ruchojmilal. Nikik'utuj pixa' chuwe ri kan e choj, y kan nikik'ut chi yekikot richin yejel-pe wik'in.

Ez 14:1

Y k'o k'a jun q'ij xepe wik'in jujun achi'a' ri k'o kiq'ij chikikojol ri nuwinaq, rije' xepe richin nikik'ulubej ri Jehová y xetz'uye-qa chinunaqaj.