Ez 20:27 - Kaqchiquel Bible

²⁷ Rat Ezequiel tabij chike ri awinaq chi yin kere' ninbij: Ri kite-kitata' chuqa' xkiyoq' ri nubi', roma man xkiben ta achi'el ri nubin chike.

Ez 20:27 ပူးပေါင်းရင်းမြစ်များ

Wuj Richin Bix Chire ri Dios 78:57

Rije' xa xkimalij kan ri Dios, xa xkipaba-ki' chuwech achi'el xkiben ri kite-kitata' rije'. Xa xkiben achi'el jun rute-ch'ab ri kotokik chik.

Wuj Richin ri Isaías 65:7

roma ri kimak rije' y chuqa' roma ri kimak ri kite-kitata'. Rije' kan xekiporola' pom pa ruwi' taq juyu', y ri chiri' kojol taq juyu' xeyakatej chuwij. Yin kan xtinya' rutojbalil ri mak pa kiwi'.

Ez 14:13

Rat Ezequiel, ninbij k'a chawe chi wi ri winaqi' richin jun ruwach'ulew yeyakatej chuwij y man nikiben ta ri ninbij chike, yin kan xkiyakatej k'a chikij y xtinya' ri rutojbalil-mak pa kiwi'. Yin man xtinya' ta chik pe ri achike nikitej, richin xtipe jun nimalej wayjal pa kiwi'. Y keri' xkeken k'a rije' y ri kawej.

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Ez 2:7

Stape' k'a xkatkak'axaj o ni, rat xtabebij k'a chike re ch'abel re'.

Ez 3:11

Y k'ari' kabiyin kik'in ri awinaq ri e k'amon-pe wawe' pa Babilonia y xkach'on k'a kik'in y xtabij k'a chike re rutzijol re', stape' xkatkak'axaj o ni, xcha'.

Ez 3:27

Jak'a toq yin k'o ninwajo' ninbij chawe, xtinya' chik ri ach'abel y k'ari' xtabebij chike ri rutzijol. Y ri nrajo' nrak'axaj kan trak'axaj k'a. Y ri man nrajo' ta nrak'axaj kan man k'a trak'axaj, roma rije' kan e jun tinamit ri yalan itzel, xcha'.

Ez 3:4

Xubij chuqa' chuwe: Rat Ezequiel, kabiyin y kabech'on kik'in ri awinaq y xtabij chike ri achike ri ninbij chawe.

Ez 39:23

Y ri winaqi' e richin ch'aqa' chik ruwach'ulew xtiketamaj chi ri israelita xe'uk'uex-el pa kiruwach'ulew roma ri kimak y roma man xkijech ta ki' pa nuq'a'. Chuqa' xtiketamaj chi roma ri' yin xkenmalij kan y xinya' q'ij chike ri e etzelanel kichin richin xekich'ek y xekikamisaj kan konojel pa labal.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Wuj Richin ri Q'axanri'il 15:30

Y wi k'o ta jun wineq ri kan rik'in rija' nalex-wi-pe chi nimakun, ri wineq ri' stape' ta jun chiwe rix o jun chike ri man e iwinaq ta, k'o chi nikamisex-el, roma xa xuben chuwe yin Jehová chi xa xuqasaj nuq'ij.

Romanos 2:24

Qitzij k'a ri nubij chupan ri ruch'abel ri Dios,*f3* chi ri winaqi' ri man e qawinaq ta nikiyoq' rubi' ri Dios toq nikitz'et ri itzel taq ibanobal rix.

Apocalipsis 13:5

Ri chikop ri' xuk'ul chuqa' uchuq'a' richin chi tunimirisaj-ri' rik'in ri ruch'abel, richin chi itzel tich'on chirij ri Dios, y kawineq ka'i' ik' ri xya'ox uchuq'a' pa ruq'a'.