Ez 20:20 - Kaqchiquel Bible

²⁰ Chuqa' kan tikichajij ri q'ij richin uxlanen, roma re' kan jun retal chiqakojol, chi ja yin Jehová ri in ki-Dios.

Ez 20:20 ပူးပေါင်းရင်းမြစ်များ

Wuj Richin ri Jeremías 17:22

Chuqa' man tiwelesaj-pe ri iwejqa'n, ni man tiben isamaj chupan ri q'ij richin uxlanenri'il. Xa kan tiya' k'a rejqalen ri q'ij ri' achi'el xubij ri Jehová chike ri ánima qati't-qamama', xkacha' chike.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.

Ez 20:12

Y chuqa' xinya' chike ri q'ij richin uxlanen richin jun retal chiqakojol, richin tiketamaj chi yin Jehová xench'er richin xe'ok wichin yin.

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 17:24

Chirij ri' ri Jehová xubij: Kan tinimaj k'a nutzij y man k'a tik'uaj ejqa'n chupan ri tinamit chupan ri q'ij richin uxlanenri'il. Kan tiya' k'a nuq'ij y kan man jun k'a isamaj tiben chupan ri q'ij ri'.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Wuj Richin ri Isaías 56:2

Kan utz ruwa-ruq'ij ri wineq ri nibanon ri', y kan nuchajij ri q'ij richin uxlanenri'il, y man nuben ta chire chi maneq ta rejqalen y kan nuq'et-ri' richin nuben ri etzelal.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Ex 20:8

Toqaqa k'a chi'ik'u'x ri q'ij richin uxlanen, richin chi nich'er chuwe yin.

Ez 22:8

Man niya' ta k'a rejqalen ronojel ri e ch'aron chuwe yin y chuqa' kan man iya'on ta rejqalen ri q'ij richin uxlanen.