Ez 20:18 - Kaqchiquel Bible

¹⁸ Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Ez 20:18 ပူးပေါင်းရင်းမြစ်များ

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Wuj Richin ri Jeremías 11:10

Kan nikiben k'a chuqa' rije' achi'el ri mak ri xkiben ri qati't-qamama', ri kan man xkajo' ta k'a xkinimaj rutzij y xa xekitzeqelibej k'a ch'aqa' chik dios. Konojel k'a winaqi' israelita y ri aj-Judá kan xkixolq'otij ri rujikibel-tzij ri xuben rija' kik'in ri qati't-qamama'.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.

Wuj Richin ri Jeremías 3:9

Ri tinamit Israel kan man xkich'ob ta ri xkiben y xkitz'ilobisaj ri kiruwach'ulew. Y rije' xa xekitzeqelibej ch'aqa' chik dios achi'el nuben jun ixoq itzel ruk'aslen yerutzeqelibej ch'aqa' chik achi'a' y xkiya' kiq'ij ri abej y ri che' ri janila kixaq.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.

Ez 18:14

Rik'in juba' re itzel alk'ualaxel re' k'o ta jun ruk'ajol y re' nutz'et ta ronojel ri rumak ri rutata', man rik'in ri' man xtuben ta achi'el nuben ri rutata'.

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Ez 2:3

Kere' k'a xubij chuwe: Rat Ezequiel, wakami yin xkatinteq-el chikikojol ri awinaq israelita. Rije' e jun tinamit ri man e nimey ta tzij. Y ri kati't-kimama' xa xeyakatej chuwij k'a re q'ij wakami.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Wuj Richin ri Q'axanri'il 14:31

Rix xibij chi ri iwalk'ual xke'uk'uex-el koma ri winaqi' ri e etzelanel iwichin. Jak'a yin man xtinya' ta q'ij chi keri' xtibanatej, roma ja yin xkiyuqen-el kichin, y xkenk'uaj chupan ri ruwach'ulew ri xiwixowaj rix.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,