Ez 20:11 - Kaqchiquel Bible

¹¹ Y chiri' xinya-wi chike ri ruchojmilal y ri pixa', roma ri' ri wineq ri xtutaqej kan xtik'ase' k'iy juna'.

Ez 20:11 ပူးပေါင်းရင်းမြစ်များ

Romanos 10:5

Ri Moisés rutz'iban k'a chi wi jun nutaqej ronojel ri pixa' man jun rumak nik'ulun chuwech ri Dios. Rija' rutz'iban k'a kan: Achike k'a ri xtitaqen ri pixa', kan xtik'ase', xcha'.*f29*

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Wuj Richin ri Chojmirisabelri'il 18:5

Roma ri' kan tiyaka' pan iwánima ri pixa' ri nuya'on chiwe rix ri ix nutinamit. Roma achike k'a ri xtitaqen, kan xtik'ase'. Ja yin Jehová ri yibin.

Gálatas 3:12

Ri ruk'uaxik ri pixa' man junan ta rik'in ri kuqubabel-k'u'x rik'in ri Dios, roma ri pixa' nubij*f8* chi k'o k'aslen xaxe chire ri wineq ri kan nutaqej ronojel ri tz'ibatel chupan.

San Lucas 10:28

Jari' k'a toq ri Jesús xubij chire: Kan qitzij ri xabij. Wakami k'a, wi xtaben ronojel re', xtawichinaj k'a ri k'aslen richin q'asen, xcha' ri Jesús chire.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.

Ez 20:21

Jak'a rije' xa xeyakatej chuwij y man xkiben ta achi'el nubij ri nupixa' ri nuya'on chike. Chuqa' xa xkiben k'a chire ri q'ij richin uxlanen chi man jun rejqalen. Y roma ri', yin kan xinbij k'a chike chi kan xtinwelesaj woyowal chikij ri chiri' pa tz'iran ruwach'ulew.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Ez 33:15

re wineq re' kan xtik'ase'. Nel chi tzij chi wi rija' xuya' méro pa qajik y xuk'ul jun retal, k'o chi nutzolij ri retal ri'. Wi rija' k'o releq'an, k'o chi nutzolij ri releq'. Chuqa' k'o chi nuben achi'el nubij chupan ri pixa' y man nuben ta chik itzel taq banobel.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Ez 18:9

Rija' nuben ri nubij chupan ronojel ri nupixa' y kan man jun bey xtuch'er-ri' chire. Re wineq re' kan choj wi y rija' kan xtik'ase' k'a chi utzil. Ja yin Jehová ri yibin.

Ez 33:16

Wi rija' nuben kere', kan xtik'ase' roma xuben ri utz y man jun bey chik xtoqaqa chinuk'u'x ri rumak ri rubanalon-pe.