Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ez 20:1 - Kaqchiquel Bible

1 Toq xtz'aqet yan wuqu' juna' chi xojk'amer-pe pa Babilonia, jari' toq xe'oqaqa wik'in ka'i-oxi' achi'a' ri k'o kiq'ij aj-Judá richin nokik'ulubej ri Jehová. Y re' xk'uluwachitej chupan ri q'ij lajuj chire ri ro' ik' chire ri juna' ri'. Y rije' xetz'uye-qa wik'in.

အခန်းကိုကြည့်ပါ။ ကော်ပီ




Ez 20:1
27 ပူးပေါင်းရင်းမြစ်များ  

K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.


Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.


Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.


Kan q'ij-q'ij k'a yinkikanoj, y nikiben chi nikajo' niketamaj ri nubey, achi'el xa ta e jun tinamit ri nikiben ri utz, y kan nikiben ronojel pa ruchojmilal. Nikik'utuj pixa' chuwe ri kan e choj, y kan nikik'ut chi yekikot richin yejel-pe wik'in.


Tabana' utzil kach'on rik'in ri Jehová pa qabi' roj, roma ri Nabucodonosor rey richin ri tinamit Babilonia xuchop yan richin nuben labal qik'in. Rik'in juba' ri Jehová nuben qik'in roj achi'el ri meyel taq banobel ri xuben ri ojer kan, richin chi yetzolin-el ri e etzelanel qichin, xecha'.


K'ari' ri rey Sedequías xubij chi kinuk'uex-el pan ewel pa rachoch rija'. Y toq xinapon rik'in, xuk'utuj chuwe: ¿K'o kami jun rutzijol ri xuteq-pe ri Jehová? Y yin xinbij chire chi k'o. Y xinbij chire chi rija' xtiqaqa pa ruq'a' ri rey richin Babilonia.


K'ari' ri Jehová xch'on wik'in y xubij chuwe:


Toq xtz'aqet yan beleje' juna' chi oj uk'uan-el pa Babilonia, chupan ri q'ij lajuj chire ri ik' lajuj, jari' toq ri Jehová xubij chuwe:


Toq xtz'aqet yan julajuj juna' chi ojk'o chik wawe' pa Babilonia, chupan ri nabey q'ij chire ri ik', jari' toq ri Jehová xch'on chik wik'in y xubij:


Toq xtz'aqet yan lajuj juna' chi qojk'amer-pe pa Babilonia, chupan ri q'ij kablajuj chire ri ik' lajuj, jari' toq ri Jehová xch'on chik wik'in y xubij chuwe:


Toq xtz'aqet yan juwineq wuqu' juna' chi xojk'amer-pe pa Babilonia, chupan ri nabey q'ij chire ri nabey ik', ri Jehová xch'on chik wik'in y xubij chuwe:


Toq xtz'aqet yan julajuj juna' chi xojk'amer-pe pa Babilonia, chupan ri ruwuq q'ij chire ri nabey ik', ri Jehová xch'on chik wik'in y xubij chuwe:


Toq xtz'aqet yan julajuj juna' chi xojk'amer-pe pa Babilonia, chupan ri nabey q'ij chire ri rox ik', ri Jehová xch'on chik wik'in y xubij chuwe:


Toq xtz'aqet yan kablajuj juna' chi xojk'amer-pe pa Babilonia, chupan ri nabey q'ij chire ri ik' kablajuj, ri Jehová xch'on chik wik'in y xubij chuwe:


Toq xtz'aqet juwineq wo'o' juna' chi qojk'amer-pe pa Babilonia, chuqa' jari' toq xtz'aqet kajlajuj juna' tich'akatej ri qatinamit Jerusalem. Y chupan ri q'ij lajuj chire ri nabey ik' chire ri juna' ri', xpe ri ruchuq'a' ri Jehová pa nuwi' y chupan jun achi'el achik' xiruk'uaj-el pan Israel.


Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.


Y chikiwech k'a rije' e pa'el-apo e oxk'al lajuj achi'a' ri k'o kiq'ij y pa kinik'ajal rije' k'o ri Jaazanías ruk'ajol ri Safán. Y rije' kan nikiya' k'a kiq'ij ri wachibel ri'. Chikijujunal k'a ri achi'a' ri' kik'uan jun porobel-pom y ri rusibil y ri rujubulil kan nijote-el.


Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.


Ri Marta k'o k'a jun rach'alal rubini'an María. Y re María re' xtz'uye' k'a chiraqen-qa ri Jesús, richin keri' nrak'axaj ri ruch'abel ri Dios ri nutzijoj.


Xbanatej k'a, chi k'a pa rox q'ij xkil ri ak'ual ri chiri' pa rachoch ri Dios. Rija' tz'uyul-apo kik'in ri achi'a' e etamanela' chirij ri pixa', nrak'axaj ri nikibij y k'o chuqa' ri yeruk'utula-apo chike.


Jak'a ri winaqi' ri xe'ak'axan-pe ri xk'uluwachitej, xepe richin xokitz'eta'. Toq xe'oqaqa rik'in ri Jesús, kan jari' toq xkitz'et chi ri achin ri xek'oje' itzel taq espíritu rik'in, tz'uyul-apo chunaqaj ri Jesús, rukusan rutziaq y kan choj chik rubanik. Jak'a ri winaqi' ri' xa xkixibij-ki'.


Yin kan in jun judío. Xaxe k'a yin xinalex ri pa tinamit Tarso ri k'o pa ruwach'ulew Cilicia, jak'a kan ja re wawe' pa Jerusalem xik'iy-wi. Ja ri nimalej achin ri rubini'an Gamaliel ri xtijon wichin. Xirutijoj k'a rik'in ronojel ri nubij chupan ri pixa' ri ya'on kan chike ri ojer qati't-qamama'. Roma kan rurayibel k'a ri wánima, richin ninben rusamaj ri Dios, achi'el chuqa' ri irayibel chi'iwonojel rix chupan re q'ij re'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ