Ez 2:4 - Kaqchiquel Bible

⁴ Rije' kan janila kikowirisan-ki'. Jak'a re wakami rat Ezequiel, xtaya' re jun rutzijol re' chike.

Ez 2:4 ပူးပေါင်းရင်းမြစ်များ

Ez 3:7

Jak'a ri awinaq israelita xa man xkeniman ta chawe, roma xa kan man nikajo' ta yinkak'axaj. Konojel rije' xkikowirisaj-ki' richin man yeniman ta chuwe y man jun niq'ax chikiwech.

Wuj Richin ri Jeremías 6:15

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Wuj Richin ri Isaías 48:4

Ronojel re' xbanatej roma kan wetaman chi rix man ninimaj ta nutzij. Rix janila ix tix, y man niwajo' ta richin niqasex iq'ij.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin ri Jeremías 8:12

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 3:3

Roma ri itzel taq ibanobal ri', roma ri' maneq chik job rubanon, ni ri nabey taq job, ni ri ruk'isibel taq job. Man rik'in ri' kan man xk'oje' ta juba' ik'ix, achi'el ri ixoq itzel ruk'aslen maneq ruk'ix.

Wuj Richin Etamabel-Tzij 21:29

Ri wineq itzel, stape' k'ayew ri rubey ri ruk'aslen, rukoch'och'en ruwech beneq; jak'a ri wineq ri kan ja ri qitzij ri k'o pa ruk'aslen, nuchojmirisala' rubey ruk'aslen ri beneq.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

1 Rey 22:14

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

Deut 10:16

Kan tiyaka' k'a ronojel ri rujikibel-tzij ri Dios pa taq iwánima y man chaq tikowirisaj-iwi'.

Wuj Richin ri Jeremías 1:7

Y rija' xubij chuwe: Man tabij chi k'a janila at k'ajol. Rat kan xkabe k'a kik'in ri winaqi' akuchi xkatinteq-wi-el yin y kan xtabebij chike ri achike ri xtinbij-el chawe.

Wuj Richin ri Jeremías 36:21

Xeri' ri rey xuteq-el ri Jehudí richin niberuk'ama' ri wuj chiri' pa rachoch ri Elisamá. Y toq ruk'amon chik pe, k'ari' xusik'ij chuwech ri rey y chikiwech konojel achi'a' ri k'o kiq'ij ri ek'o-apo chiri'.

Am 7:15

Jak'a ri Jehová xirelesaj-pe chupan ri samaj ri', y xubij chuwe chi kibe y kibech'on pa rubi' rija' chiwe rix.

Wuj Richin ri Zacarías 7:12

Xa xikowirisaj ri iwánima richin man xiya' ta iwak'axabal chire ri pixa', ni chuqa' chire ri nuch'abel ri xinteq-pe ri ojer kan koma ri e q'alajirisey nuch'abel. Y roma ri' yin xyakatej janila woyowal.

Ez 3:4

Xubij chuqa' chuwe: Rat Ezequiel, kabiyin y kabech'on kik'in ri awinaq y xtabij chike ri achike ri ninbij chawe.

Ez 3:11

Y k'ari' kabiyin kik'in ri awinaq ri e k'amon-pe wawe' pa Babilonia y xkach'on k'a kik'in y xtabij k'a chike re rutzijol re', stape' xkatkak'axaj o ni, xcha'.

Ez 3:27

Jak'a toq yin k'o ninwajo' ninbij chawe, xtinya' chik ri ach'abel y k'ari' xtabebij chike ri rutzijol. Y ri nrajo' nrak'axaj kan trak'axaj k'a. Y ri man nrajo' ta nrak'axaj kan man k'a trak'axaj, roma rije' kan e jun tinamit ri yalan itzel, xcha'.